ब्‍यवस्‍था 33:9 - Sunuwar Bible

⁹ मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७

ब्‍यवस्‍था 33:9 ပူးပေါင်းရင်းမြစ်များ

उत्पत्ती 29:32

मिनु लेआ कोव़ज कुरशा, तौ का थि‍माक्‍त। मेको आ नें रूबेन वोदा बाक्‍त। मारदे हना “परमप्रभु यावेमी आं श्‍येत ताप्‍तु। मुल रे आं वोंइशेम आं कली दाक्‍ब” देंमाक्‍त।

१ इतिहास 17:17

मो हना यो परमप्रभु एको इन ङोंइती शुश ममाइ। परमप्रभु यावे, परमप्रभु, गेमी इन कबल इन गेय पाइब आ खिं कली शुश नोले सम्‍म कली बारपाइश्‍शो बाक्‍नीनी।

अय्‍युब 37:24

मोपतीके मुरपुकीम मेको कली तशा मान पा हिंनीम। मिनु आन थुंम ‘गो जोक्‍ब तुइक्‍ब नङ’ दे मिम्‍ब आन कली ठेयब ममिम्‍ब” दे एलीहुम देंमाक्‍त।

भजन संग्रह 119:57

परमप्रभु यावे, गे आं परमप्रभु बाक्‍नीनी। गो इन लोव़ टिना टिन बाक्‍नुङ।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

लेवी 10:6

मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०

लेवी 21:11

मेकोमी बेक्‍शो मुर बाक्‍तीके लशा, आंम कली ग्रांग्रा दिशो सेल्‍चा मदुम्‍ब। मेको आ आम आफ आ बेक्‍शो रां यो कोव़थ लचा मदुम्‍ब।

मत्ती 10:37

आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७

मत्ती 12:48

मिनु येसुमी मो देंब कली “आं ममा नु आं लोक्‍बपुकी सु नमी?” मत्ती १०:३७; लूका २:४९

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

लूका 14:26

“सु सु गो नु बाक्‍चा दाक्‍नीमी, मेकोपुकीमी आम आफ, आंम मीश, आंम वोंइश, तमी तौ, लोक्‍बपुकी नु आंम कली यो ममिम्‍थु, आं नोले खोइय्‍यीमील। मारदे हना मेको मिम्‍बपुकीमी आं नोले खोइक्‍ने मचाप्‍नीम। लूका १८:२९-३०; ब्‍यवस्‍था ३३:९; १कोरिन्‍थी ७:२९

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।