ब्‍यवस्‍था 33:4 - Sunuwar Bible

⁴ मोसामी आंइ कली इन अरेशो लोव़ ‘पचा माल्‍नीनी’ दे माइक्‍तु। मेको अरेशो लोव़ याकूब आ जात ङा मुर नेल्‍ल आन के दुम्‍त।

ब्‍यवस्‍था 33:4 ပူးပေါင်းရင်းမြစ်များ

भजन संग्रह 119:111

इन देंशो लोव़ गेना हना यो आं शोंप बाक्‍ब। मारदे हना मेकोमी आं थुं शुश ग्‍येरपाइक्‍ब।

भजन संग्रह 119:72

मिनु हजार हजार टुक्रा सुन चांदी क्‍येङा इन अरेशो लोव़ आं कली रिम्‍शो बाक्‍ब।

भजन संग्रह 147:19

मेकोमी आ लोव़ याकूब कली शेंब। मिनु इस्राएल कली आ फुल्‍लुम मुशा ब्रेक्‍शो लोव़ नु आ पतीक लोव़ शेंब। ब्‍यवस्‍था ४:८; प्रेरित १४:१६; रोमी ३:२

लेवी 26:46

एको परमप्रभु यावेमी सीनै डांडाम मोसा कली गेशो आं नु इस्राएली आन दातेमी फुल्‍लुम मुशा ब्रेक्‍शो लोव़ नु “पावो” दे अरेशो लोव़ बाक्‍नीम।

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 7:19

मोसामी इन कली परमप्रभु यावे आ अरेशो लोव़ गेशो बाक्‍त। मिनु गेपुकी मारदे मेको मपाइनीनी? मारदे आं कली साइक्‍चा माल्‍नीनी?” देंत। रोमी २:१७-२४; यूहन्‍ना ५:१६-१८

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९