ब्‍यवस्‍था 32:4 - Sunuwar Bible

⁴ मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

ब्‍यवस्‍था 32:4 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ सामुएल 22:47

परमप्रभु यावे ब्रोंइशा बाक्‍ब। आं सेरथे फुल्‍लु ठेयब बाक्‍ब। आं परमप्रभु मान ताइब बाक्‍ब। मेको आं कली प्रोंइब, सेरथे फुल्‍लु बाक्‍ब।

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

नेहेम्‍याह 9:8

मिनु मेको आ थुं इन कली मप्रोंइब, ठीक पाइब बाक्‍ब, दे तुइश्‍शा, मेको नु कबल का पाइतीनी। मार कबल पाइतीनी देंशा हना, मेको कली कनानी, हित्ती, एमोरी, परिज्‍जी, यबुसी नु गिरगाशी आन रागी आ चच युइ आन कली गेनुङ, दे कबल पाइतीनी। मिनु गे इन कबल खाप्‍तीनी। मारदे हना गे ठीक पाइब बाक्‍नीनी। उत्‍पत्ती १५:१८-२१

अय्‍युब 34:10

मोपतीके मारेइ मारेइ तुइक्‍ब मुरपुकी आं लोव़ नेनीन। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी गेनायो दूली मपाइब। अय्‍युब ८:३; ब्‍यवस्‍था ३२:४; २इतिहास १९:७

अय्‍युब 35:14

मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। अय्‍युब २३:८-९

अय्‍युब 36:23

सुम मेको कली आ लां कोंइशो बाक्‍बा? मिनु मेको कली ‘गे दूली पाइ‍तीनी’ दे सुम देंने चाप्‍बा ङा?

अय्‍युब 8:3

मार, परमप्रभुम दूली निसाफ पाइबा ङा? मार, नेल्‍ल क्‍येङा सक्ति पाइश्‍शो परमप्रभुम मार ठीक बाक्‍बा, मेको मतुइक्‍बा ङा? अय्‍युब ३४:१०

भजन संग्रह 100:5

मारदे हना परमप्रभु यावे रिम्‍शो पाइब बाक्‍ब। मिनु आ गेना हना यो दाक्‍तीके लीब। मिनु आ दाक्‍शा मप्रोंइतीके नेल्‍ल पाला सम्‍म बाक्‍ब।

भजन संग्रह 138:8

परमप्रभु यावेमी आं पर्बम आ पचा माल्‍शो नेल्‍ल पाइब। परमप्रभु यावे इन दाक्‍तीके गेना हना यो लीब। इन सेल्‍शो मुर, आं कली मप्रोनीन।

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 146:6

मेको सरीङ नु रागी समुन्‍द्र नु मेकेर बाक्‍ब आन कली सेल्‍ब बाक्‍ब। मेकोमी आ देंशो गेना हना यो पाइब।

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 18:46

परमप्रभु यावे ब्रोंइशा बाक्‍ब आं सेरथे फुल्‍लु ठेयब दुम्‍ल। आं कली प्रोंइब परमप्रभु मान ताइब बाक्‍ल।

भजन संग्रह 19:7

परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।

भजन संग्रह 31:5

आं सोक्‍त इन गुइमी जिम्‍मा गेनुङ। परमप्रभु यावे, गे आं कली श्‍येत रे प्रोंइतीनी। गे इन मुर आन कली दाक्‍शा मप्रोंइब परमप्रभु बाक्‍नीनी। लूका २३:४६

भजन संग्रह 33:4

मारदे हना परमप्रभु यावे आ लोव़ थमा बाक्‍ब। मिनु मेको आ गेय नेल्‍ल आ दाक्‍शा मप्रोंइतीकेमी पाइब।

भजन संग्रह 78:35

मिनु मेकोपुकीमी परमप्रभु आन सेरथे फुल्‍लु नु नेल्‍ल क्‍येङा ठेयब परमप्रभु मेको आन कली श्‍येत रे प्रोंइब बाक्‍माक्‍त, दे तुइक्‍ताक्‍म।

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

भजन संग्रह 90:16

इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२

भजन संग्रह 92:15

मिनु गो “परमप्रभु यावे गेना हना यो ठीक पाइब बाक्‍ब। मेको आं सेरथे फुल्‍लु बाक्‍ब। मेको नु मारेइ मरिम्‍शो मबाक्‍ब” देंनुङ। ब्‍यवस्‍था ४२:४

भजन संग्रह 97:2

मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।

भजन संग्रह 98:3

मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। यसैया ५२:१०

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

प्रस्‍थान 34:6

मिनु परमप्रभु यावे मोसा आ नेक्‍था गाक्‍ना गाक्‍न “यावे, यावे, शिशी पाइब नु दाक्‍ब परमप्रभु बाक्‍ब। रीब पा मगाइक्‍ब। गेना हना यो शिशी पाइब नु आ दाक्‍चा मप्रोंइब बाक्‍ब। प्रस्‍थान ३३:१८-२६; गन्‍ती १४:१८; भजन संग्रह १०३:८; नहुम १:३; १यूहन्‍ना ४:१६

उपदेसक 3:14

परमप्रभुमी मार पाइबा, मेको गेना हना यो लीब, दे गो तुइश्‍शो बाक्‍नुङ। मेकेर मारेइ तेम्‍ने नु ग्रुंइने मचाम्‍सीब। मुर नेल्‍लेमी परमप्रभु कली हिंशा मान पामेक्‍ल, दे मोदेंशो पाप्‍तु।

यसैया 17:10

मारदे हना गे इन कली पाप रे प्रोंइब परमप्रभु कली प्रेंताक्‍नी। मिनु इन ख्रुइक्‍तीक सेरथे फुल्‍लु कली मफ्रुक्‍नी। गे अर्को रागी ङा रिम्‍शो अङगुर ख्रुम्‍तीनी। यसैया ६:२-३; ब्‍यवस्‍था ३२:१५

यसैया 25:1

परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।

यसैया 26:4

गे परमप्रभु यावे कली गेना हना यो थमा सुतीन। मारदे हना परमप्रभु यावे गेना हना यो बाक्‍ब, सेरथे फुल्‍लु का बाक्‍ब। ब्‍यवस्‍था ३२:४

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 30:18

मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

यसैया 32:2

मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

येरमीया 9:24

तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

हबकुक 1:12

मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। येरमीया १०:२४

हबकुक 1:13

गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?

सेफन्‍याह 3:5

मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 5:22

आं आफोमी मुर आन कली निसाफ मपाइब। तन्‍न नेल्‍ल निसाफ पचा ङा गेय आ तौ कली पपाइक्‍ब।

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

रोमी 2:2

परमप्रभु यावेमी मरिम्‍शो गेय पाइब आन कली ठीक निसाफ पशा, सजाइ गेब, दे तुइक्‍नय।

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

रोमी 3:5

गो इं मरिम्‍शो पशो परमप्रभु यावे कली रिम्‍शो देंशा कोंइताक्‍य हना, गो मार देंनय ङा? परमप्रभु यावेमी मो देंब आन कली सजाइ गेशो मरिम्‍शो बाक्‍बा ङा? शुश मुरपुकीमी मोदेंशो मिम्‍नीम।

१ कोरिन्‍थी 10:4

नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६

ब्‍यवस्‍था 10:18

मेकोमी रोम रोइक्‍च नु वोंइश बेक्‍शो मीश मुर आन कली ठीक निसाफ पाइब। मेकोमी अर्को रागी ङा मुर आन कली दाक्‍ब। मिनु मेको आन कली जचा फेक्‍चा गेब।

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५

ब्‍यवस्‍था 32:18

मिनु गे इन कली सेल्‍ब सेरथे फुल्‍लु कली ममिम्‍तीनी। इन कली थीब परमप्रभु यावे कली प्रेंताक्‍नी। उत्‍पत्ती ४९:२४; भजन संग्रह १८:३२; भजन संग्रह ७८:१५-१६

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

याकूब 4:12

परमप्रभु यावे अरेशो लोव़ गेब नु निसाफ पाइब बाक्‍ब। परमप्रभु यावेमी ला पाप रे प्रोंइने नु नरकम सोइक्‍ने चाप्‍ब। इन नेक्‍था बाक्‍ब आन कली मोपा नाक्‍ब, सु ननी ङा? मत्ती ७:१; रोमी १४:४

१ पत्रुस 2:6

मारदे हना परमप्रभु यावे आ लोव़मी मार ब्रेक्‍शो बाक्‍ब देंशा हना “नेनीन, गो सियोन डांडामी फुल्‍लु का वोइक्‍नुङ। मेको सुर ङा फुल्‍लु दुम्‍शा, योव़सीशा नु दाक्‍सीशा बाक्‍ब। सु सुमी मेको कली थमा सुद‍मे, मेको मुर मुने दोक्‍चा ममाल्‍नीम” दे ब्रेक्‍शो बाक्‍ब। यसैया २८:१६

१ सामुएल 2:2

परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२