ब्‍यवस्‍था 32:36 - Sunuwar Bible

³⁶ परमप्रभु यावेमी आ मुर आन कली थमा पा वारच पाइब। आ मुर आन कली शिशी पाइब। मेको आन सक्ति लत हना, मुर नु वाइलीम वाइल यो खतम दुम्‍नीम।

ब्‍यवस्‍था 32:36 ပူးပေါင်းရင်းမြစ်များ

१ राजा 14:10

मोपतीके गो येरोबाम आ खिंम श्‍येत चाक्‍शा, मरिम्‍शो पाइनुङ। गो इस्राएलम बाक्‍शो येरोबाम आ खिं ङा वोंइश मुर, वाइल बाक्‍तेक्‍म हना यो, अरु मुर बाक्‍तेक्‍म हना यो, नेल्‍ल आन कली साइक्‍नुङमी। गो मेको आन कली मनुम्‍मा सम्‍म येरोबाम आ खिं कली गोबर चोशो खोदेंशो पा चोइनुङ। १राजा १५:२९; १राजा २१:२१

१ राजा 21:21

मोपतीके परमप्रभु यावेमी ‘मुल गो इ तार शुश श्‍येत कोप्‍नुङ। गो इस्राएल रागीम बाक्‍ब, गे नु इ खिं ङा वोंइश मुर नेल्‍ल आन कली साइक्‍नुङमी। वाइल बाक्‍मल कि प्रोंइचा पुंइसीशो बाक्‍मल, नेल्‍ल आन कली साइक्‍नुङमी। २राजा ९:७-८

२ राजा 14:26

मारदे हना परमप्रभु यावेमी इस्राएली आन कली शुश श्‍येत जशो तवा बाक्‍त। वाइल दुम्‍शो नु मदुम्‍शो सुइ मलीमा बाक्‍त। इस्राएली आन कली वारच पाइब सुइ मबाक्‍मा बाक्‍त।

२ राजा 9:8

आहाब आ खिं ङा मुर नेल्‍ल बेक्‍चा माल्‍नीम। इस्राएलम मेको आ खिं ङा वोंइश मुर वाइल बाक्‍मल कि मबाक्‍मल, गो नेल्‍ल आन कली साइक्‍नुङमी। १राजा १४:१०

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

भजन संग्रह 135:14

मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। ब्‍यवस्‍था ३२:३६

भजन संग्रह 50:4

मेकोमी आ मुर आन कली निसाफ पचा कली सरीङ नु रागी ङा नेल्‍ल आन कली ब्रेप्‍ब। ब्‍यवस्‍था ३२:१; यसैया १:२

भजन संग्रह 7:8

परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। भजन संग्रह १८:२१-२७

भजन संग्रह 90:13

परमप्रभु यावे, गेना सम्‍म ङोन बाक्‍नीनी? आंइ गे लेतीन। इन गेय पाइब आंइ कली शिशी पने।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

प्रस्‍थान 32:14

मिनु परमप्रभु यावेमी आ थुं लेश्‍शा, आ मुर आन कली मसाइक्‍मी। भजन संग्रह ८५:-

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

येरमीया 42:10

मिनु परमप्रभु यावेमी इन कली ‘एको रागीमीन बाक्‍तीनी हना, गो इन कली रिम्‍शो सेल्‍नन्‍नी, मप्रेत्नन्‍नी। गो इन कली ख्रुम्‍नन्‍नी, मतुल्‍नन्‍नी। मारदे हना गो इन कली खतम पोक्‍शो आ पर्बम आं थुं खाइश्‍शो बाक्‍नुङ। येरमीया १:१०

दानीएल 12:7

मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

योएल 2:18

मिनु परमप्रभु यावेमी आ रागी आ पर्बम रुश पा, आ मुर आन कली शिशी पाप्‍तु।

लेवी 26:43

मारदे हना मेको रागी श्‍येत्‍थ दुम्‍शा, आ नाइक्‍तीक बर्सपुकी मुर मबाक्‍तीके मानेना मानेन बाक्‍ब। मिनु मेकोपुकीमी आन मरिम्‍शो पशो आ पर्बम सजाइ ताइनीम। मारदे हना मेकोपुकीमी आं पावो, दे अरेतीक लोव़ नु आं फुल्‍लुम मुशा ब्रेक्‍शो लोव़ काइ मपाम।

आमोस 7:3

मिनु परमप्रभु यावेमी “मेको मोदेंशो मदुम्‍ब” देंत।

आमोस 7:6

मिनु परमप्रभु यावेमी “मोदेंशो यो मदुम्‍ब” देंत।

हिब्रू 10:30

मोदेंशो पाइब आन कली सजाइ गेब कली तुइश्‍शो बाक्‍नय। आं चहिं लोव़ कामी “क्‍येक्‍क लेत्‍तीक गेय आं के बाक्‍ब। मिनु गो पाइनुङ” देंब। मिनु लेंशा “परमप्रभुमी आ मुर आन कली निसाफ पाइब” देंब। ब्‍यवस्‍था ३२:३५-३६

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।