ब्‍यवस्‍था 32:3 - Sunuwar Bible

³ मारदे हना गो परमप्रभु यावे आ नें ठेयब सेल्‍नुङ। इं परमप्रभु ठेयब बाक्‍ब।

ब्‍यवस्‍था 32:3 ပူးပေါင်းရင်းမြစ်များ

१ इतिहास 17:19

परमप्रभु यावे, गे इन गेय पाइब आ पर्बम नु इन पत दाक्‍शो गेय खोदेंशो पा गे थम ठेयब गेय पशो बाक्‍नीनी। मिनु एको इन पशो ठेयब कबल तुइक्‍पाइश्‍शो बाक्‍नीनी।

१ इतिहास 29:10

मिनु दाऊदमी मुर नेल्‍ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्‍नीनी।

१ इतिहास 29:11

परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३

१ इतिहास 29:13

मुल आंइ परमप्रभु, गो इन कली ‘गे रिम्‍शो पाइब बाक्‍नीनी’ दे इन नें ठेयब सेल्‍नीकी।

भजन संग्रह 150:2

मेको कली आ सक्ति पाइश्‍शो गेय आ पर्बम ठेयब सेलीन। मेको कली आ नेल्‍ल क्‍येङा ठेयब दुम्‍तीके आ पर्बम ठेयब सेलीन।

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

प्रस्‍थान 33:19

मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५

प्रस्‍थान 6:3

गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी।

येरमीया 10:6

परमप्रभु यावे, इन खोदेंशो सुइ मबाक्‍नीम। गे ठेयब बाक्‍नीनी। मिनु इन सक्तिमी इन नें ठेयब सेल्‍तीनी। भजन संग्रह ८६:८

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 17:6

गेमी रागी रे प्रोंइशो मुरपुकी गेतीनी। मेको आन कली इन नें तुइक्‍पाइक्‍तामी। मेको मुरपुकी इन के बाक्‍तेक्‍म। मिनु गे आं कली गेतीनी। मेकोपुकीमी इन लोव़ टिना टिन बाक्‍नीम।

एफिसी 1:19

मिनु गो थमा सुइक्‍ब आंइ कली इन ठेयब सक्तिम मार पाइनीनी नु इन गेशो बोल गिश ठेयब बाक्‍मे, मेको रुप्‍तीक थुं यो गेने।

ब्‍यवस्‍था 3:24

“परमप्रभु, परमप्रभु यावे, गे इन गेय पाइब कली इन ठेयब पतीके नु सक्ति कोंइचा गोइतीनी। मिनु स्‍वर्ग नु रागीम बाक्‍ब तेको प्रभु इन खोदेंशो पा ठेयब पतीके नु सक्ति पाइश्‍शो गेय पने चाप्‍बा ङा?

ब्‍यवस्‍था 5:24

मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७