ब्‍यवस्‍था 32:27 - Sunuwar Bible

²⁷ तन्‍न आन जोरी सत्रुपुकीमी दूली मिम्‍शा “गोपुकीमी इं सक्तिम ग्रातय। एको परमप्रभु यावे आ पशो ममाइ” देंनीम। मिनु आं कली गाइक्‍पाइक्‍नीम।

ब्‍यवस्‍था 32:27 ပူးပေါင်းရင်းမြစ်များ

१ राजा 20:28

मिनु परमप्रभु आ मुर का इस्राएल ङा पिप आ बाक्‍तीकेम जाक्‍शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्‍ब। बेंसी ङा देवता ममाइ, दे मिम्‍शो बाक्‍नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्‍नेवे’ देंत” देंमाक्‍त। प्रस्‍थान ७:५

भजन संग्रह 140:8

परमप्रभु यावे, इन अरेशो मटीब आन मिम्‍शो दला दाक्‍स दुम्‍चा मगेने। मो दुम्‍त हना, मेकोपुकी ठेयब लेत्‍नीम। ठेयब सेंदा पा।

भजन संग्रह 140:9

मेको ठेयब लेश्‍शोपुकी आं एर ओंथ बाक्‍शो बाक्‍नीम। मेको आन मरिम्‍शो पशो आंमा रमल। ठेयब सेंदा पा।

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

यसैया 37:10

मार लोव़ सोइक्‍ताक्‍व देंशा हना, यहूदा ङा पिप हिज्‍कीयाह कली “इन थमा सुइश्‍शो परमप्रभुमी इन कली दूली लां मखोइक्‍पांइसीन। ‘यरूसलेम अस्‍सुर ङा पिप आ गुइमी मदुम्‍ब’ देंनीनी।

यसैया 37:35

गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।

यसैया 47:7

मिनु गे ‘गो गेना हना यो पिपीम बाक्‍नुङ’ देंते। गे आं मुर आन कली मरिम्‍शो पाप्‍तीवी। नोले मार दुम्‍बा, मेको ममिम्‍ती।

यसैया 48:11

गो आं पर्बम पाइनुङ। मारदे आं नें ग्रांग्रा दिशो सेल्‍चा गेनुङा? आं छेङछेङ नु सक्ति अरु आन कली मगेनुङमी। यसैया ४२:८

येरमीया 19:4

मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

गन्‍ती 15:30

तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९

ब्‍यवस्‍था 9:28

गे मेको आन कली क्‍याम्‍ताक्‍नी हना, आंइ कली ग्रुंइशो रागी ङा मुरपुकीमी “परमप्रभु यावेमी मेको आन कली देंशो रागी चाक्‍दीन्‍ने मचाप्‍तीके, मेको आन कली मदाक्‍तीके गोरशो रागीम साइक्‍चा कली एक रे ग्रुंइशा लाइक्‍तु” देंनीम। गन्‍ती १४:१६

यहोसु 7:9

मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६