ब्‍यवस्‍था 32:24 - Sunuwar Bible

²⁴ बेक्‍चा ङा शोव़लु, शुश नाप्‍शो जोरो, मुर कली साइक्‍ब रोइ नु मेको आन कली ब्रुप्‍शा ब्‍वाइब जन्‍तुपुकी नु खपीम ग्रे‍शा गाक्‍ब बीस पाइश्‍शो बुस्‍सपुकी सोइक्‍नुङ।

ब्‍यवस्‍था 32:24 ပူးပေါင်းရင်းမြစ်များ

उत्पत्ती 3:14

मिनु परमप्रभु यावेमी बुस्‍स कली “बी ब्‍यफ नु ब्‍वाकी ङा जन्‍तु नेल्‍ल आन दातेम गे सराप राइनेवे। मारदे हना मोदेंशो मरिम्‍शो पाप्‍तीवी। इ रांमी ग्रेशा गाक्‍चा माल्‍नेवे। इ ब्रोंइतीक नाक्‍त सम्‍म खप जशा, बाक्‍चा माल्‍नेवे।

उत्पत्ती 49:15

मेकोमी नाइक्‍तीके रिम्‍शो नु रागी दारशो बाक्‍ब, दे ताप्‍तु। मेकेर कुरब दुम्‍शा, अर्को आन गेय पाइब दुम्‍त।

अय्‍युब 20:16

मेकोपुकीम बुस्‍स आ बीस युप्‍नीम। मिनु बीस पाइश्‍शो बुस्‍सुमी मेको आन कली कोक्‍शा साइक्‍ब।

भजन संग्रह 120:4

लडाइ पाइबमी आ हेश्‍शो ब्रा आप्‍ब। मिनु ब्रशो कोइला इ तार जुक्‍पाइक्‍नीम।

भजन संग्रह 91:6

छिङछिङम जाक्‍ब मुर साइक्‍ब रोइ नु नाक्‍ती याक्‍सीब रोइ तशा महिंनेवे।

यसैया 65:25

मेना फर नु पाठा काथ काथा जोइनीसी। गुप्‍सम चहिं ब्‍यफोम खोदेंशो पा पराल ब्‍वाइब। बुस्‍सुम खप जाइब। आं योव़शो डांडामी मारेइमी मरिम्‍शो मपाइनीम” दे परमप्रभु यावेमी देंत। यसैया ११:६-९; उत्‍पत्ती ३:१४

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 15:3

गो मेको आन कली ४ ओटा साइक्‍तीक श्‍येत सोइक्‍नुङमी। गो साइक्‍चा कली तरवार, कीशा लाइक्‍चा कली कुचुम, दाक्‍पाइक्‍चा कली नु खतम सेल्‍चा कली सरीङ ङा चिक्‍ब नु रागी ङा जन्‍तु सोइक्‍नुङमी। इजीकीएल १४:२१; येरमीया ७:३३

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 8:17

कोव़ङीन, गो इन दातेम बीस पाइश्‍शो बुस्‍सपुकी सोइक्‍नुङमी। मेको बुस्‍स आन कली मारेइ मन्‍तर तन्‍तर मराइब। मिनु मेकोपुकीमी इन कली कोक्‍नीम” दे परमप्रभु यावेम देंत।

बिलाप 5:10

गो शोव़लु बेक्‍‍तीके आंइ कुशुल चुप्‍लु खोदेंशो पा होश दुम्‍त।

इजीकीएल 14:15

गो मोदेंशो रागी कली खतम सेल्‍चा कली ब्‍वाकी ङा जन्‍तु सोइक्‍ताक्‍ङमी हना, जन्‍तुपुकीम पतीके मेको रागी रे सुइ एर ओंथ पने मचाप्‍तेक्‍म हना,

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 5:17

गो इ दातेमी अन्‍काल नु ब्‍वाकी ङा जन्‍तुपुकी सोइक्‍ताक्‍ङ हना, मेकोपुकीम इ आल रोइक्‍नीम। इ दातेम मुर बेक्‍तीक रोइ नु हुश ख्राक्‍श पोक्‍तीक दुम्‍शा बाक्‍ब। मिनु गो इ कली तरवारम साइक्‍नुङ’ गो परमप्रभु यावेमी, एको देंती” देंत।

लेवी 26:22

गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

आमोस 9:3

मेकोपुकी कारमेल डांडामी ख्रुंइसाक्‍म हना यो, गो मेको आन कली माल्‍शा, ग्‍याइश्‍शा चाक्‍नुङमी। मेकोपुकी आं क्‍येङा ख्रुइश्‍शा समुन्‍द्र आगाम लाम्‍तेक्‍म हना यो, समुन्‍द्रम बाक्‍ब बुस्‍स कली ‘मेको आन कली कोक्‍मी’ दे अरेनुङ। मिनु मेकोमी मेको आन कली कोक्‍ब।

मीका 7:17

मेकोपुकीम बुस्‍स खोदेंशो नु खपीम ग्रे‍शा गाक्‍ब जन्‍तु खोदेंशो पा, खप तुक्‍नीम। मेको आन बोल्‍यो दरवार रे हिंशा ख्रिंख्रि पा ग्रूनीम। मेकोपुकी हिंशा परमप्रभु यावे, आंइ परमप्रभु गे लेत्‍नीम। मिनु मेकोपुकीमी इन कली मान पा हिंनीम। भजन संग्रह ७२:९

हबकुक 3:5

आ ङोंइती मुर आन कली साइक्‍तीक रोइ लत। आ नोले मुर बेक्‍तीक रोइम खोइक्‍तु।

ब्‍यवस्‍था 28:22

मिनु परमप्रभु यावेमी इन कली रां सोक्‍तीक रोइ, जोरो, शुश गार मुइक्‍तीके, रेउ मयितीके, नेल्‍ल बाली नाली सोव़‍तीके बुंखी ङाइक्‍तीके रोइ सोइक्‍ब।

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४

ब्‍यवस्‍था 28:53

मिनु मोदेंशो पा इन जोरी सत्रुपुकीमी इन कली पुम्‍दमेनु, गे श्‍येत जशा, परमप्रभु यावे, इन परमप्रभुमी इन कली गेशो तमी तौ आन श्‍ये ब्‍वाइनीनी। लेवी २६:२९; २राजा ६:२८-२९; येरमीया १९:९; बिलाप २:२०; बिलाप ४:१०; इजीकीएल ५:१०