ब्‍यवस्‍था 31:6 - Sunuwar Bible

⁶ बोल्‍यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्‍यवस्‍था १:२९-३०

ब्‍यवस्‍था 31:6 ပူးပေါင်းရင်းမြစ်များ

उत्पत्ती 26:24

मिनु मेको नाक्‍दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्‍नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्‍नुङ” दे लोव़ पवा बाक्‍त।

उत्पत्ती 28:15

गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।

२ सामुएल 10:12

सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

१ राजा 2:2

मिनु मेकोमी “गो रागी ङा मुर नेल्‍ल आन खोदेंशो पा बेक्‍नुङ। मोपतीके गे बोल्‍यो नु महिंब दुमो।

१ राजा 6:13

मिनु गो इस्राएल ङा आं आल आन दातेम बाक्‍नुङ। मिनु गो आं मुर इस्राएली आन कली गेनायो मप्रोंइनुङमी” देंमाक्‍त। प्रस्‍थान २९:४५

१ राजा 8:57

परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।

१ इतिहास 22:13

परमप्रभु यावेमी मोसा कली आ फुल्‍लुम मुशा ब्रेक्‍शो लोव़ नु निसाफ पतीक लोव़ इस्राएली आन कली टिशा पचा कली गेशो बाक्‍त। गे मेको नेल्‍ल पाप्‍तीवी हना, इ गेय रिम्‍शो दुम्‍ब। गे बोल्‍यो नु महिंब दुमो। हिंशा इ थुं लुक्‍च लचा मगेवो। १राजा २:२-३

१ इतिहास 28:10

मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

२ इतिहास 32:7

“बोल्‍यो नु महिंब दुमीन। अस्‍सुर ङा पिप नु मेको आ चाक्‍शो शुश मुर तशा, महिनीन। मारदे हना मेकोपुकी नु बाक्‍शो क्‍येङा गोपुकी नु बाक्‍शो का थम ठेयब बाक्‍ब।

भजन संग्रह 27:1

परमप्रभु यावे आं छेङछेङ नु आं कली श्‍येत रे प्रोंइब बाक्‍ब। गो सु नु हिंचा माल्‍नुङा ङा? परमप्रभु यावे आं ब्रोंइतीक सक्ति नु आं ख्रुइक्‍तीक बाक्‍ब। आं कली सुम हिंच कोंइने चाप्‍बा ङा? मीका ७:८; भजन संग्रह ५६:५

भजन संग्रह 27:14

गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

भजन संग्रह 94:14

मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। यसैया ३७:३३-३५

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

येरमीया 1:8

गे मेको आन क्‍येङा महिनो। मारदे हना गो इ कली प्रोंइचा कली गे नु बाक्‍नुङ” दे परमप्रभु यावेमी देंत। प्रस्‍थान ३:१२

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

हाग्‍गै 2:4

मिनु मुर नेल्‍ल आन परमप्रभु यावेमी “जेरूब-बाबेल, महिनो। यहो-सादाक आ तौ नेल्‍ल क्‍येङा ठेयब चढ़ेब यहोसु गे यो महिनो। मिनु मेकेर ङा मुर नेल्‍ल महिनीन। गेय पचा गोने। मारदे हना गो गेपुकी नु बाक्‍नुङ।

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

गन्‍ती 13:20

मिनु मेको रागी ङा खप दोदेंशो बाक्‍मे, मलिलो बाक्‍म कों, पाङकोक्‍च बाक्‍म? मेकेर रवापुकी बाक्‍मा कों, मबाक्‍मा? महिंब दुमीन। मिनु मेको रागी ङा फल फुल चाक्‍कीन” दे माइक्‍तीमी। मेना ङोंइती ङा अङगुर मीची जाक्‍शो बाक्‍त।

गन्‍ती 13:9

बेन्‍यामीन आ थर रे रफु आ तौ पाल्‍ती,

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

एफिसी 6:10

मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४

ब्‍यवस्‍था 1:21

कोव़ङीन, परमप्रभु यावे, इन परमप्रभुमी एको रागी इन कली गेशो बाक्‍त। मिनु परमप्रभु यावे, इन किकी पिपी आन परमप्रभुमी देंशो खोदेंशो पा मेकेर इर लशा, आंम के सेलीन। गेपुकी महिनीन। सुर्ता मपने’ देंती।

ब्‍यवस्‍था 1:29

मिनु गो इन कली हिंशा, ख्रिंख्रि मपने। मेको आन कली तशा महिनीन। प्रस्‍थान १४:१४-२५; यहोसु १०:१४

ब्‍यवस्‍था 11:8

मोपतीके गो मुलाक्‍ती इन कली दें‍शो परमप्रभु यावे आ शें‍शो नेल्‍ल टिशा पने। मेको पाइतीनी हना, गेपुकी बोल्‍यो दुम्‍नीनी। मिनु खोला शोक्‍शा इन के सेल्‍चा चिक्‍शो रागीम ओव़शा, थमा पा इन के सेल्‍ने चाप्‍नीनी।

ब्‍यवस्‍था 20:1

मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।

ब्‍यवस्‍था 31:23

मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।

ब्‍यवस्‍था 31:7

मिनु मोसामी यहोसु कली ब्रेश्‍शा, इस्राएली नेल्‍ल आन ङोंइती “बोल्‍यो नु महिंब दुमो। मारदे हना परमप्रभु यावेमी मेको इन किकी पिपी आन कली कसम जशा ‘मेको रागी इन कली गेनुङ’ देंशो बाक्‍त। मिनु गे मेको रागी मेको आन कली योक्‍शा गेनीनी। ब्‍यवस्‍था ३:२८; यहोसु १:६

ब्‍यवस्‍था 31:8

मिनु परमप्रभु यावे इ ङोंइती लाइब। मेको गे नु बाक्‍ब। मेकोम इन कली कोव़शा, मप्रोंइब। महिनीन नु मेको आन कली तशा इन थुं लुक्‍च मलने” दे मोसामी यहोसु कली देंत।

ब्‍यवस्‍था 4:31

मारदे हना परमप्रभु यावे, इन परमप्रभु, शिशी पाइब परमप्रभु बाक्‍ब। इन किकी पिपी नु कसम जशा पशो कबल मप्रेंब। मेकोमी इन कली मप्रोंइथु, खतम मसेल्‍ब।

ब्‍यवस्‍था 7:18

मेको आन क्‍येङा महिनीन। परमप्रभु यावे, इन परमप्रभुमी फाराओ नु इजीप्‍त रागी ङा मुर नेल्‍ल कली मार मार पवा, मेको मिम्‍तीन।

२ तिमोथी 2:1

आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

यहोसु 10:25

मिनु यहोसुमी मेको आन कली “बोल्‍यो नु महिंब दुमीन। मारदे हना इं परमप्रभु यावेमी गे सु नु लडाइ पाइनीनी, मेको आन कली मोदेंशो पाइब” देंत।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६