ब्‍यवस्‍था 31:3 - Sunuwar Bible

³ परमप्रभु यावे, इन परमप्रभु इन ङोंइती यर्दन शोक्‍शा, आइक्‍ची हांबु लाइब। मेकोमी इन ङोंइती मेको रागी रागी ङा मुर आन कली क्‍याम्‍ब। मिनु गेपुकीमी मेको आन कली खेरने चाप्‍‍नीनी। मिनु परमप्रभु यावेमी देंशो खोदेंशो पा यहोसु इन ङोंइती शोक्‍ब। ब्‍यवस्‍था ३:२२

ब्‍यवस्‍था 31:3 ပူးပေါင်းရင်းမြစ်များ

उत्पत्ती 48:21

मिनु इस्राएलमी योसेफ कली “नेनो, गो बेक्‍नुङ। मिनु परमप्रभु गे नु बाक्‍शा, इ कली लेंशा इ किकी पिपी आ रागी लाइक्‍ब।

प्रेरित 7:45

मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१

ब्‍यवस्‍था 1:30

इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।

ब्‍यवस्‍था 3:28

मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;

ब्‍यवस्‍था 31:14

मिनु परमप्रभु यावेमी मोसा कली “मुल इ बेक्‍ची नाक्‍ती जाक्‍शो बाक्‍ब। मोपतीके यहोसु कली ब्रेश्‍शा, मेको कली इ गेय जिम्‍मा गेनुङ। मोपतीके ग्रुम्‍तीक ताम्‍बुम जाक्‍शा, राप्‍शा बाक्‍कीस” देंत। मिनु मोसा नु यहोसु लशा ग्रुम्‍तीक ताम्‍बुम राप्‍शा बाक्‍ताक्‍स।

ब्‍यवस्‍था 31:23

मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।

ब्‍यवस्‍था 31:4

मिनु परमप्रभु यावेमी मेको एमोरी आन पिप सीहोन नु ओग नु आन रागी खतम पोक्‍शो खोदेंशो पा, मेको आन कली यो खतम पोक्‍ब। गन्‍ती २१:२१-३५

ब्‍यवस्‍था 34:9

मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

हिब्रू 4:8

यहोसुमी मेको आन कली नाइक्‍तीकेम चाक्‍दीन्‍ने चाप्‍शो हना, मेकोमी मो देंचा ममाल वा। ब्‍यवस्‍था ३१:७; यहोसु २२:४

यहोसु 1:2

परमप्रभु यावेमी मार लोव़ पाप्‍तु देंशा हना “आं गेय पाइब मोसा बेक्‍त। मोपतीके गे मुर नेल्‍ल आन कली लाइक्‍चा सासो। मिनु गो इस्राएली आन कली गेचा चिक्‍शो रागी यर्दन खोला आ आइक्‍ची हांबु लावो। ब्‍यवस्‍था ३४:५

यहोसु 11:15

दोपा परमप्रभु यावेमी आ गेय पाइब मोसा कली अरेशो बाक्‍मे, मोपा मोसामी यहोसु कली अरेशो बाक्‍माक्‍त। मिनु यहोसुमी मोदेंशोन पाप्‍तु। परमप्रभु यावेमी मोसा कली अरेशो लोव़ यहोसुमी का सम्‍म यो मप्रोन। नेल्‍ल रिम्‍शो पा टिप्‍तु।

यहोसु 3:7

मिनु परमप्रभु यावेमी यहोसु कली “मुलाक्‍त रे गो इ कली इस्राएली नेल्‍ल आन ङोंइती ठेयब सेल्‍नन। दोपा गो मोसा नु बाक्‍ङा, मोपा गे नु यो बाक्‍नुङ, दे नेल्‍ल आन कली तुइक्‍पाइक्‍नुङ। यहोसु ४:१४; यहोसु १:५,१७

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७