ब्‍यवस्‍था 30:9 - Sunuwar Bible

⁹ मिनु परमप्रभु यावे, इन परमप्रभुमी इन पतीके नेल्‍लेमी इन कली आसीक गेब। मेकोमी इन कली शुश तमी तौ, बी ब्‍यफ, क्‍यारश भेडा नु इन रू ङा अन्‍न शुश सेल्‍ब। मारदे हना परमप्रभु यावेमी इन किकी पिपी आन कली रिम्‍शो पशो खोदेंशो पा इन कली यो रिम्‍शो पचा दाक्‍ब।

ब्‍यवस्‍था 30:9 ပူးပေါင်းရင်းမြစ်များ

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

यसैया 62:5

दोपा ठिटा वोंइश मुरुम मीश आल कली ग्‍युंबे पाइबा, मोपा इ कली सेल्‍बमी इ कली ग्‍युं‍बे पाइब। मिनु दोपा ग्‍युम्‍ले आ ग्‍युम्‍ली कली तशा ग्‍येरसीबा, मोपा परमप्रभु इ कली तशा ग्‍येरसीब।

यसैया 65:19

गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।

येरमीया 31:27

मिनु परमप्रभु यावेमी “गो इस्राएल आ खिं ङा मुर, यहूदा आ खिं ङा मुर नु क्‍यारश भेडा, बी ब्‍यफ आन कली सोशा बोशा दुम्‍पाइक्‍‍तीक नाक्‍त थमा पा चाक्‍नुङ।

येरमीया 31:28

गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

लेवी 26:4

गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

ब्‍यवस्‍था 28:4

इन आलपुकी, इन बाली नाली, इन बी ब्‍यफ नु इन क्‍यारश भेडा नु गोठ नेल्‍ल आसीक रशा सोशा बोशा लाइनीमी।

ब्‍यवस्‍था 28:63

मिनु परमप्रभु यावेमी दोपा इन कली रिम्‍शो पचा नु शुश सेल्‍चा कली ग्‍येरसीशो बाक्‍मे, मोपा परमप्रभु यावेमी इन कली खतम सेल्‍चा नु क्‍याम्‍चा कली ग्‍येरसीशो बाक्‍ब। मिनु मेकोमी गे ओव़चा नु इन के सेल्‍चा चिक्‍शो रागी रे इन कली तुल्‍ब। हितोपदेस १:२६

ब्‍यवस्‍था 30:8

मुलाक्‍ती गो इन कली माइश्‍शो गे लेश्‍शा परमप्रभु यावे आ शेंशो नेल्‍ल टीनीनी।

ब्‍यवस्‍था 7:14

गे नेल्‍ल जात जात ङा मुर आन क्‍येङा आसीक राइब दुम्‍नीनी। इन दातेमी सुइ वोंइश मुर नु मीश मुर आल मथीब मबाक्‍नीम। इन बी ब्‍यफ, क्‍यारश भेडा थारा मदुम्‍नीम।