ब्‍यवस्‍था 30:13 - Sunuwar Bible

¹³ मिनु मेको समुन्‍द्र आ आइक्‍ची हांबु यो मबाक्‍ब। गेपुकीमी “सुम आंइ कली समुन्‍द्र आइक्‍ची हांबु मेको ब्रथ लाइबा? मिनु मेको नेंशा, पाइनीकी” देंचा ममाल्‍नीनी।

ब्‍यवस्‍था 30:13 ပူးပေါင်းရင်းမြစ်များ

हितोपदेस 16:6

दाक्‍शा गेनायो मप्रोंइतीकेमी मरिम्‍शो पतीक क्‍याम्‍सीब। मिनु सु परमप्रभु यावे कली मान पा हिंबा, मेको मरिम्‍शो रे ङोन लाइब।

हितोपदेस 8:11

मारदे हना हीरा क्‍येङा तुइक्‍‍तीके रिम्‍शो बाक्‍ब। इ माल्‍शो मारेइ मारेइ नेल्‍ल मेको क्‍येङा आइक्‍च बाक्‍नीम।

मत्ती 12:42

निसाफ पची नाक्‍त लुक्‍च रागी ङा पिपीम बोक्‍शा, एको पाला ङा मुर आन कली दोसी सुइक्‍ब। मारदे हना मेकोमी ङोन रे कुशा, पिप सोलोमनमी दोदेंशो निप्‍स पा हुकुम पवा, दे कोव़थ जाक्‍माक्‍त। नेनीने, एकेर सोलोमन क्‍येङा ठेयब का बाक्‍ब। १राजा १०:१-१०

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

प्रेरित 10:22

मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।

प्रेरित 10:33

मोपतीके ब्रथ सोइक्‍ताक्न्‍‍नी। गे बिश्‍शा गिरिक‍कै जाक्‍शा, आंइ कली रिम्‍शो पाइतीनी। परमप्रभु गे नु बाक्‍ब। मिनु परमप्रभु यावेमी इन कली मार शेंपाइक्‍बा, मेको लोव़ नेल्‍ले नेंचा कली खुम्‍सीशा बाक्‍तक” देंमाक्‍त।

प्रेरित 16:9

मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।

ब्‍यवस्‍था 30:12

मेको लोव़ इर सरीङमी मबाक्‍ब। मिनु गेपुकीमी “सु सरीङ लशा मेको लोव़ आंइ कली चाक्‍बा? मिनु मेको नेंशा, पाइनीकी” देंचा ममाल्‍नीनी। रोमी १०:६-८

ब्‍यवस्‍था 30:14

मेको अरेशो लोव़ इन नेक्‍था बाक्‍ब। गे मेको आ पर्बम लोव़ पाइनीनी। मिनु मेको पचा कली इन थुंमी बाक्‍ब।