ब्‍यवस्‍था 3:11 - Sunuwar Bible

¹¹ मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।

ब्‍यवस्‍था 3:11 ပူးပေါင်းရင်းမြစ်များ

उत्पत्ती 14:5

मिनु १४ बर्समी पिप केदोर-लाओमेर नु मेको आ वारच पिपपुकी अश्‍‍तारोथ-कारनाइमम बाक्‍ब रेफाइमपुकी, हामम बाक्‍ब जूजीमपुकी, शावेह-किरयथ-थाइम बाक्‍ब एमीमपुकी, उत्‍पत्ती ३६:२०-३०

उत्पत्ती 6:15

मिनु परमप्रभुमी “डोंगा दोपा सेल्‍चा माल्‍नेवे देंशा हना, मेको आ लाइश्‍शो सहे सां कुबीत दुम्‍चा माल्‍ब। आ ब्रेम्‍शो ५० कुबीत दुम्‍चा माल्‍ब। आ ग्‍येत्‍थ लाइश्‍शो ३० कुबीत दुम्‍चा माल्‍ब। कुबीत का ०.५ मिटर खोदेंशो बाक्‍ब।

२ सामुएल 11:1

नक बर्स जाक्‍मेनु, पिपपुकी लडाइ पथ ग्रूमा बाक्‍त। दाऊदमी योआब, लडाइ पाइब आन ठेयब मुर नु इस्राएल ङा लडाइ पाइब नेल्‍ल आन कली सोइक्‍तीमी बाक्‍त। मिनु मेकोपुकीम अम्‍मोन खतम पोक्‍गमे बाक्‍त। रब्‍बाह सहर कली पुम्‍दमे बाक्‍त। तन्‍न दाऊद चहिं यरूसलेम सहरमी बाक्‍माक्‍त। १इतिहास २०:१

२ सामुएल 12:26

मेको नोले योआबमी लडाइ पा अम्‍मोनी आन पिप आ रब्‍बाह सहर, ग्रामाक्‍त।

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

इजीकीएल 21:20

मेको तरवार जाक्‍चा कली अम्‍मोनी आन रब्‍बाह सहर, यहूदा नु गारो हिरशो यरूसलेम कली लां सेलीन।

इजीकीएल 25:5

गो रब्‍बाह सहर कली दल‍ओंठ जोतीक नु अम्‍मोन कली क्‍यारश भेडा आन गोठ सेल्‍नुङ। मेना गेपुकीम गोन परमप्रभु यावे नङ, दे तुइक्‍नीनी’ ” देंत।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

आमोस 2:9

गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८

ब्‍यवस्‍था 2:11

मिनु अनाकीम ङा मुर आन कली खोदेंशो पा रेफाइम माइश्‍शो मुरपुकी शुश कोल्‍शो मुर देंनीम। मिनु मोआबीम मेको आन कली एमीम देंनीम।

ब्‍यवस्‍था 2:20

मेको रागी यो लाइश्‍शो कोल्‍शो मुर आन रागी बाक्‍त। ङोंइती मेकेर रेफाइम माइश्‍शो मुर बाक्‍तेक्‍म। तन्‍न अम्‍मोनीपुकीमी मेको आन कली जाम्‍जुम्‍मीम देंनीम।

यहोसु 12:4

मेको बाशान ङा पिप, ओग आ रागी बाक्‍त। मिनु मेको रेफाइम आन नोले ङा पिप का बाक्‍माक्‍त। मेको ते ते सासन पाइबाक्‍माक्‍त देंशा हना, अश्‍तारोथ नु एद्रेइमी सासन पाइबाक्‍माक्‍त। गन्‍ती २१:३३; ब्‍यवस्‍था ३:१०-११

यहोसु 13:12

मिनु अश्‍तारोथ नु एद्रेइमी सासन पाइब बाशान सहरम बाक्‍ब ओग माइश्‍शो पिप आ रागी नेल्‍ल गेशो बाक्‍त। मेको पिप ओग ला रेफाइम आन दातेमी ब्रोंइशा लीशो बाक्‍माक्‍त। मोसामी मेको आन कली ग्राशा, खेरशो बाक्‍त।

प्रकाश 21:17

मिनु मेकोमी सहर आ गारो पुक्‍गानु, सहे का ४४ कुबीत ब्रेम्‍शो बाक्‍त। मेको परमप्रभु यावे आ स्‍वर्ग ङा गेय पाइब आ पुक्‍तीके मुर आन पुक्‍तीके खोदेंशो बाक्‍त। कुबीत का गज का खोदेंशो, ०.५ मिटर बाक्‍ब।

१ सामुएल 17:4

मिनु पलिस्‍ती आन बाक्‍तीक रे गाथ ङा गोल्‍याथ नें पाइश्‍शो बोल्‍यो लडाइ पाइब का ग्रूशा, पिमाक्‍त। मेको ६ कुबीत ३ इन्‍च लाइश्‍शो बाक्‍माक्‍त। कुबीत का ०.५ मिटर बाक्‍ब। यहोसु ११:२२