ब्‍यवस्‍था 3:10 - Sunuwar Bible

¹⁰ गोपुकी दिंम ङा सहर नेल्‍ले, गिलाद रागी नेल्‍ल, बाशान, साल्‍का नु एद्रेइ सम्‍म, बाशानम बाक्‍शो ओग आ राज्‍य नेल्‍ल ग्रातक।

ब्‍यवस्‍था 3:10 ပူးပေါင်းရင်းမြစ်များ

१ राजा 4:13

बेन-गेबेर रामोथ-गिलाद ङा ठेयब मुर बाक्‍माक्‍त। मेको आ जिम्‍माम मनस्‍से आ तौ याइर आ गिलादम बाक्‍शो गाउंपुकी बाक्‍मा बाक्‍त। मेको के बाशान रागी ङा अरगोब गारो हिरशो ६० ओटा ठेयब सहर यो बाक्‍मा बाक्‍त। मेको गारो ङा लाप्‍चोम कांसा के आग्‍लो बाक्‍मा बाक्‍त। गन्‍ती ३२:४१

१ इतिहास 5:11

गाद आ मुरपुकी रूबेन आ मुर आन नेक्‍था बाशान रागीम साल्‍का सम्‍म बाक्‍शो बाक्‍मा बाक्‍त।

गन्‍ती 21:33

मेको नोले मेकोपुकी हिरशा बाशान ङा लां रे पा ङोइश्‍शा लाम्‍तेक्‍म। मिनु बाशान ङा पिप ओग नु आ मुरपुकी इस्राएली नु लडाइ पचा कली ग्रूशा एद्रेइमी जाक्‍तेक्‍म। ब्‍यवस्‍था ३:१-११

ब्‍यवस्‍था 4:43

मोसामी रूबेन आ थर ङा मुर आन कली गोरशो रागी ङा दिंमम बेसेर सहर योव़तु। गाद आ थर ङा मुर आन कली गिलाद ङा रामोथ सहर योव़तु। मनस्‍से आ थर ङा मुर आन कली बाशान ङा गोलान सहर योव़तु।

ब्‍यवस्‍था 4:49

मिनु यर्दन आ ओंथ हांबु नां दाप्‍तीके गे अराबाह नेल्‍ल पिस्‍गा डांडा नु आ दिंमम अराबाह समुन्‍द्र माइश्‍शो, हिक्‍सी समुन्‍द्र सम्‍म इस्राएलीपुकीमी आंम रागी सेल्‍ने थुम्‍शो बाक्‍तेक्‍म।

यहोसु 13:16

मेको आन रागी अरनोन खोला आ नेक्‍था बाक्‍शो आरोएर सहर नु मेको दिंम आ दातेम बाक्‍शो सहर नु मेदेबा दिंम आ नेक्‍था ङा रागी नेल्‍ल,

यहोसु 13:30

मेको आन रागी महा-नाइम रे लाइश्‍शा, बाशान नेल्‍ल गेशो बाक्‍त। बाशान ङा पिप ओग आ राज्‍य नेल्‍ल नु बाशान ङा याइर आ सहर नेल्‍ल पा ६० ओटा सहर गेशो बाक्‍त। यहोसु १७:१; न्‍यायाधीस १०:३-४

यहोसु 13:31

मिनु आधा गिलाद, अश्‍तारोथ नु एद्रेइ बाशान ङा पिप ओग आ राज्‍य ङा सहरपुकी मनस्‍से आ तौ माकीर आ खिं खिं ङा आधा मुर आन कली आन खिं खिं कोव़शा गिश बाक्‍नीमी योक्‍शा गेशो बाक्‍‍त।