ब्‍यवस्‍था 28:9 - Sunuwar Bible

⁹ मिनु गेपुकीमी परमप्रभु यावे, इन परमप्रभु आ शेंशो लोव़ टिशा पाइतीनी हना नु आ लांमी गाक्‍तीनी हना, आ कसम जशो खोदेंशो पा इन कली आंम मुर सेल्‍शा वोइक्‍ब। प्रस्‍थान १९:५-६

ब्‍यवस्‍था 28:9 ပူးပေါင်းရင်းမြစ်များ

उत्पत्ती 17:7

मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।

भजन संग्रह 87:5

सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

यसैया 1:26

मिनु गो इ निसाफ पाइब, सासन पाइब नु अर्ती गेब आन कली ङोंइती ङा खोदेंशो सेल्‍नुङ। नोले इ कली ‘ठीक पाइब नु परमप्रभु कली मप्रोंइब सहर’ दे नें वोइक्‍नीम। जकरिया ८:३

यसैया 62:12

मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०

येरमीया 11:5

गो इन किकी पिपी आन कली दूध नु खुदो शुश बाक्‍शो रागी का गेनन्‍नी, दे कसम जशो खाप्‍नुङ। मिनु मेको रागी मुल इन अधिकारम बाक्‍ब’ देनो” देंत। मिनु गो “परमप्रभु यावे, मोदेंशो दुम्‍ल” दे लोव़ लेत्‍ताक्‍ङ। प्रस्‍थान ३:८

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 7:6

मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६

ब्‍यवस्‍था 7:8

तन्‍न परमप्रभु यावेमी इन कली दाक्‍ब। मिनु मेकोमी ‘इन किकी पिपी नु पशो कबल खाप्‍नुङ’ देंत। मोपतीके परमप्रभु यावेमी शुश सक्ति पाइश्‍शोमी इन कली वाइलीम वाइल सेल्‍शो इजीप्‍त ङा पिप फाराओ रे प्रोंइशा, ग्रुंइताक्‍व। होसे ११:१

२ थिस्‍सलोनिकी 3:3

प्रभुमी चहिं इन कली दाक्‍शा मप्रोंइब। इन थुं बारपाइक्‍ब। मरिम्‍शो रे ङोन वोइश्‍शा, इन कली कोव़ब। १थिस्‍सलोनिकी ५:२४; यूहन्‍ना १५:१७

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६