ब्‍यवस्‍था 28:8 - Sunuwar Bible

⁸ मिनु परमप्रभु यावेमी इन भकारीमी आसीक गेब। मिनु गे मार मार पाइनीनी रिम्‍शो दुम्‍चा कली आसीक गेब। मिनु परमप्रभु यावे, इन परमप्रभुमी इन कली गेशो रागीमी इन कली आसीक गेब। लेवी २५:२१

ब्‍यवस्‍था 28:8 ပူးပေါင်းရင်းမြစ်များ

२ राजा 6:27

मिनु पिपमी “परमप्रभु यावेमी इ कली वारच पवल। गो ते रे वारच पाइक्‍नना? अन्‍न तुप्‍तीक रे देय अङगुर ख्राक्‍तीक रे?” देंमाक्‍त।

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 128:2

गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे।

भजन संग्रह 133:3

मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब।

भजन संग्रह 144:13

आंइ अन्‍न वोइक्‍तीके शुश खाल ङा अन्‍नमी ब्रीमल। आंइ भेडा हजार हजार दुम्‍मल। आंइ भेडा आंइ रूम लाख लाख दुम्‍मल।

भजन संग्रह 42:8

मिनु गो नाक्‍ती परमप्रभु यावे आ गेना हना यो दाक्‍तीके तुइक्‍नुङ। मिनु नाक्‍दो आ कुम्‍सो आं थुंमी बाक्‍ब। मेको आं कली ब्रोंइचा गेब परमप्रभु नु लोव़ पतीके बाक्‍ब।

भजन संग्रह 44:4

गे आं पिप नु आं परमप्रभु बाक्‍नीनी। याकूब कली ग्रापतीन।

लेवी 25:21

गो ६ बर्सम इन कली आं आसीक गेनन्‍नी। मिनु रागीम बर्स सां सम्‍म शुश अन्‍न ग्रेल्‍पाइक्‍नुङ। ब्‍यवस्‍था २८:८

लेवी 26:10

गेपुकीम इन खेक्‍शा वोइश्‍शो माइत अन्‍न जना जन, नक अन्‍न वोइक्‍चा कली माइत अन्‍न तिल्‍चा माल्‍नीनी।

हाग्‍गै 2:19

मार, गे नु वांचेर बाक्‍मे? अङगुर बोट, फोव़शी रवा, अनार नु तेल रवामी मुल सम्‍म फल मसिश्‍शो बाक्‍मा? मुलाक्‍त ङा मेरे गो इन कली आसीक गेनन्‍नी” दे परमप्रभु यावेमी देंत।

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

मत्ती 6:26

सरीङमी बेरब चिक्‍ब आन कली कोव़शा मिम्‍तीने। मेकोपुकीमी वांचेर मशोक्‍नीम, अन्‍न मखुप्‍नीम, भकारीमी मवोइक्‍नीम। स्‍वर्गम बाक्‍ब इन आफोमी मेको आन कली थुल्‍शो बाक्‍ब। मेको आन क्‍येङा शुश ठेयब मननी ङा? मत्ती १०:२९-३१; लूका १२:६-७

लूका 12:18

मोपतीके खिं प्रेश्‍शा अन्‍न वोइक्‍तीक ठेयब खिं सेल्‍शा, बाक्‍शो अन्‍न नेल्‍ल मेकेर उप्‍नुङ’।

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

ब्‍यवस्‍था 15:10

गेपुकीमी मेको कली हाइश्‍शो थुं पा गन गन मपथु गेने। मारदे हना ओं पतीकेन परमप्रभु यावे, इन परमप्रभुमी इन कली इन पशो नेल्‍लेमी आसीक गेब। २कोरिन्‍थी ९:६-७

ब्‍यवस्‍था 15:4

इन दातेमी सुइ प्रुङग मबाक्‍म कों? मारदे हना परमप्रभु यावेमी योव़शा गेशो इन के सेल्‍शो रागीम इन कली शुश आसीक गेब।

ब्‍यवस्‍था 28:20

मिनु परमप्रभु यावे कली टिचा प्रोंइशा बाक्‍तीनी हना, इन मार मार पतीकेमी इन थुं ग्‍यशा सराप राइनीनी। इन मरिम्‍शो पतीके गे रीब पा क्‍याम्‍चा पुंइसीनीनी।

ब्‍यवस्‍था 28:7

मिनु परमप्रभु यावेमी इन कली लडाइ पाइब इन जोरी सत्रु आन कली इन ङोंइती ब्रुपाइक्‍ब। मेको लां कामी इन कली लडाइ पथ जाक्‍नीम। मिनु ब्रुशा, शाउ शिउ ब्रशा ७ ओटा लां रे प्रोक्‍नीम।