ब्‍यवस्‍था 28:54 - Sunuwar Bible

⁵⁴ मिनु गेपुकी इन दाते ङा नेल्‍ल क्‍येङा रिम्‍शो थुं पाइश्‍शो नु ठीक पाइब वोंइश मुरुमी यो आ लोक्‍ब, आ दाक्‍शो मीश नु आ लीशो आ तमी तौ आन कली शिशी मपथु, जचा थोव़क रोइक्‍ब।

ब्‍यवस्‍था 28:54 ပူးပေါင်းရင်းမြစ်များ

२ सामुएल 12:3

मेको प्रुङग मुर के पाठी का ला बाक्‍माक्‍त। मेको कली ग्‍याप्‍शो बाक्‍माक्‍त। मेको पाठी कली थुल्‍शा, आ आलपुकी नु कोल्‍पदा बाक्‍त। मिनु मेकोमी मेको आ भाग जशा तूशा बाक्‍बाक्‍माक्‍त। मेको आ थुकुमीन इप्‍बाक्‍माक्‍त। मिनु मेको मुरुमी मेको पाठी कली आ तमी खोदेंशोन पाइक्‍बाक्‍माक्‍त।

भजन संग्रह 103:13

आफोमी आ तमी तौ आन कली दोदेंशो पा शिशी पाइबा, मोदेंशो पा परमप्रभु यावेमी आ कली मान पा हिंब आन कली शिशी पशो बाक्‍ब। लूका १५:११-२४

हितोपदेस 23:6

शिंम आ खिंमी भोज जथ मलावो। मेको आन ब्रोव़शो जचा थोव़क तशा मवलो।

हितोपदेस 28:22

कुंइद मुर रीब पा क्‍येट थीब दुम्‍चा दाक्‍ब। मिनु “नोले थमा पा प्रुङग दुम्‍नुङ” दे मेकोमी ममिम्‍ब। हितोपदेस २३:४; १तिमोथी ६:९

यसैया 49:15

मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

मत्ती 11:8

मिनु मार कोव़थ लनी? दारशो वा फेक्‍शो मुर तांइसीबा कों, दे कोव़थ लनी? नेनीने, दारशो वा फेक्‍ब पिप आन खिंमी बाक्‍नीम।

मत्ती 20:15

आंम आं के बाक्‍शो आं दाक्‍शो पा योक्‍चा मताइनुङा ङा? अरु आन कली शिशी पशो तशा, इ कुप्‍फीम मी ब्रवे?’ दे मदा बाक्‍त। रोमी ९:१६,२१

ब्‍यवस्‍था 13:6

मिनु सुइमी इ कली ख्रुइश्‍शोमी हें‍थे गाक्‍चा कली लेम्‍ब, मेको इ लोक्‍ब बाक्‍त हना, इ आफ आ तौ बाक्‍त हना, इ आंम आ तौ बाक्‍त हना, इ आंम आ तमी बाक्‍त हना, इ दाक्‍शो मीश बाक्‍त हना, इ शुश दाक्‍शो वारच बाक्‍त हना, नु मेकोमी ‘गे नु इ किकी पिपीमी मतुइश्‍शो देवी देवता आन कली सेउ पय’ देंतेक्‍म हना, ब्‍यवस्‍था १८:२०; १कोरिन्‍थी ५:९,१३

ब्‍यवस्‍था 15:9

मिनु इन थुंमी ‘जेर क्‍याम्‍तीक बर्स जाक्‍चा चिक्‍ताक्‍व’ दे इन प्रुङग लोक्‍ब आ पर्बम गन गन पा, मेको कली वारच पा जेर गेचा मदाक्‍नीनी हना, होस पने। मेको प्रुङगुमी इन पर्बम परमप्रभु यावे कली पुंइब। मिनु गे पापी दुम्‍नीनी।

ब्‍यवस्‍था 28:53

मिनु मोदेंशो पा इन जोरी सत्रुपुकीमी इन कली पुम्‍दमेनु, गे श्‍येत जशा, परमप्रभु यावे, इन परमप्रभुमी इन कली गेशो तमी तौ आन श्‍ये ब्‍वाइनीनी। लेवी २६:२९; २राजा ६:२८-२९; येरमीया १९:९; बिलाप २:२०; बिलाप ४:१०; इजीकीएल ५:१०

ब्‍यवस्‍था 28:55

मिनु मेकोमी मेको आन कली आ ब्‍वचा माल्‍शो आ आल आ श्‍ये सुइ आन कली मगेब। मारदे हना जोरी सत्रुपुकीमी सहर पुम्‍शा जचा थोव़क मारेइ मबाक्‍ब।