ब्‍यवस्‍था 28:52 - Sunuwar Bible

⁵² मिनु मेकोपुकीमी इन सहर नेल्‍ल आन कली पुम्‍नीम। मिनु गेपुकीमी ‘सुइम आंइ कली मफ्रुइब’ दे इन बोल्‍यो नु ग्‍येत्‍थ लाइश्‍शो ठेयब गारो कली थमा सुइक्‍तीनी, तन्‍न मेकोपुकीमी परमप्रभु यावे, इन परमप्रभुमी इन कली गेशो रागी ङा सहर नेल्‍ल पुम्‍शा, गारो प्रेत्‍नीम।

ब्‍यवस्‍था 28:52 ပူးပေါင်းရင်းမြစ်များ

२ राजा 18:13

पिप हिज्‍कीयाहमी सासन पशो १४ बर्स दुम्‍मेनु, अस्‍सुर ङा पिप सन्‍हेरीबमी यहूदा ङा गारो हिरशो सहर नेल्‍ल कली लडाइ तोशा ग्रामाक्‍त।

२ राजा 6:29

मिनु गो आं तौ कली ब्‍वाइतक। मिनु गो एको कली ‘मुलाक्‍त ब्‍वचा कली इ तौ चाक्‍को’ दे माइक्‍ता। तन्‍न एकोम आ तौ ख्रुइश्‍शा मग्रुंइद” देंमाक्‍त।

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 62:8

परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

येरमीया 10:17

गे पुम्‍चा पुंइसीशो सहर इ कुम्‍लो खप रे गुपो।

येरमीया 10:18

मारदे हना परमप्रभु यावेम “गो मेको रागी ङा मुर आन कली ताइक्‍नुङमी। मेको आन कली शुश श्‍येत गेनुङमी। मिनु मेकोपुकीम तुइक्‍नीम” देंत।

येरमीया 37:8

मिनु कल्‍दी लेश्‍शा जाक्‍नीम। मिनु एको सहर कली लडाइ तोइनीम। मिनु मेकोपुकीमी एको सहर ग्राशा, मीम क्रोइक्‍नीम’ देंशो बाक्‍ब, देंत, मतो” देंत। येरमीया ३४:२२

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

दानीएल 9:26

मिनु ६२ हप्‍ता नोले मेको तेल लुक्‍शो का मारेइ मदुम्‍थु यो तिल्‍चा पुंइसीब। मिनु मेको जाक्‍चा चिक्‍शो पिप आ लडाइ पाइब नु जाक्‍शा, मेको सहर नु परमप्रभु यावे आ बाक्‍तीक खतम पोक्‍ब। मिनु मेको आ नुप्‍ची ना ठेयब भोल यिशा, नोले सम्‍म लडाइ दुम्‍ब। ङोंइती मोदेंशो खतम दुम्‍तीक श्‍येत आ पर्बम देंशो बाक्‍ब। यसैया २८:२२; लूका २१:२३-२४

लेवी 26:25

गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

जकरिया 12:2

“गो यरूसलेम कली आ एर ओंथ रागी ङा मुर आन गाइक्‍तीके सेल्‍चा चिक्‍शो बाक्‍नुङ। मुरपुकीमी यरूसलेम पुम्‍नीम। यहूदा यो श्‍येत जाइब। यसैया ५१:१७; येरमीया २५:१५-२९

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

ब्‍यवस्‍था 28:51

मिनु गेपुकी खतम मदुम्‍नी सम्‍म मेकोपुकीमी इन थुल्‍शो बी ब्‍यफ, क्‍यारश भेडा नु बाली नाली जाइनीम। मिनु मेकोपुकीमी इन अन्‍न, अङगुर शांबु, तेल, बी ब्‍यफ आन चाइक्‍ब, क्‍यारश भेडा आन पाठा का यो मगेनीम।