ब्‍यवस्‍था 28:4 - Sunuwar Bible

⁴ इन आलपुकी, इन बाली नाली, इन बी ब्‍यफ नु इन क्‍यारश भेडा नु गोठ नेल्‍ल आसीक रशा सोशा बोशा लाइनीमी।

ब्‍यवस्‍था 28:4 ပူးပေါင်းရင်းမြစ်များ

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 39:5

मिनु पोतीफरमी योसेफ कली आ खिं ङा नेल्‍ल कोव़ब मुर सेलानु, परमप्रभु यावेमी योसेफ आ पर्बम मेको कली शुश आसीक गेवा बाक्‍त। पोतीफर आ खिंम मार मार बाक्‍मा, आ रूम मार मार ब्‍वारा, मेको नेल्‍ल कली परमप्रभु यावेमी आसीक गेवा बाक्‍त। उत्‍पत्ती ३०:२७

उत्पत्ती 49:25

इ आफ आ परमप्रभुमी इ कली वारच पाइब। नेल्‍ल क्‍येङा सक्ति पाइश्‍शो परमप्रभुमी इ कली सरीङ रे नु खप रे आसीक गेब। शुश आल थिचा ङा आसीक यो गेवल। ब्‍यवस्‍था २८:३-६; ब्‍यवस्‍था ३३:१३

भजन संग्रह 107:38

मेकोपुकी परमप्रभु आ आसीक तशा, सोशा बोशा दुम्‍‍नीम। मिनु आन बी ब्‍यफ आन कली यो शुश दुम्‍पाइक्‍ब।

भजन संग्रह 127:3

तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। भजन संग्रह १२८ ३-४; उत्‍पत्ती ३०:२; उत्‍पत्ती ३३:५

भजन संग्रह 128:3

मिनु इ मीश इ खिंमी सिश्‍शो अङगुर बोट खोदेंशो बाक्‍ब। इ आल इ खिंम तेल रवा आ कोच्‍वा दाप्‍शो खोदेंशो बाक्‍‍नीम। भजन संग्रह १२७:३

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

हितोपदेस 13:22

रिम्‍शो मुरुमी आ चच युइ आन कली शोंप हेंशा वोइक्‍ब। तन्‍न मरिम्‍शो पाइब आन शोंप ठीक पाइबपुकीम ताइनीम।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

लेवी 26:9

मिनु गो इन कली शिशी पा कोव़नन्‍नी। मिनु गो इन कली सोशा बोशा शुश दुम्‍पाइक्‍नुङ। मिनु आं पशो कबल गेपुकी नु गेना हना यो लीपाइक्‍नुङ। इजीकीएल ३६:११

ब्‍यवस्‍था 28:11

मिनु परमप्रभु यावेमी इन किकी पिपी आन कली गेनुङमी देंशो रागीमी गेपुकी शुश आल थीब दुम्‍नीनी। इन बी ब्‍यफ, क्‍यारश भेडा आन चाइक्‍ब शुश दुम्‍नीम, इन बाली नाली नेल्‍ल सोशा बोशा लाइनीनी। इन रागी रिम्‍शो दुम्‍ब।

ब्‍यवस्‍था 28:18

इन आल, इन बाली नाली, इन बी ब्‍यफ, इन क्‍यारश भेडा गोठ सराप राइनीम।

ब्‍यवस्‍था 28:3

गेपुकी सहरम बाक्‍शा, आसीक राइनीनी। मिनु रूम बाक्‍शा, आसीक राइनीनी। उत्‍पत्ती ४९:२५-२६

ब्‍यवस्‍था 28:5

इन फस वोइक्‍तीक डालो नु फस नित्‍तीक बोस आसीक राइनीम।

ब्‍यवस्‍था 7:13

मेकोमी इन कली दाक्‍शा, आसीक गेशा, शुश सेल्‍ब। मेकोमी इन आल आन कली आसीक गेब। इन किकी पिपी आन कली कसम जशा गेशो रागीमी इन रू ङा फल फुल, इन अन्‍न, इन अङगुर शांबु नु तेल, इन बी ब्‍यफ आन बाछा नु इन क्‍यारश भेडा आन चाइक्‍ब नेल्‍ल आन कली आसीक गेब। होसे २:७-१२

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६