ब्‍यवस्‍था 28:12 - Sunuwar Bible

¹² मिनु परमप्रभु यावेमी नेल्‍ल सरीङ ङा शोंप वोइक्‍तीक रोक्‍शा, इन रू कली माल्‍ची ना रेउ यिपाइक्‍ब। मिनु गे मार मार पाइनीनी, मेको कली आसीक गेब। मिनु गेपुकीमी शुश रागी रागी ङा मुर आन कली जेर गेनीनी, गे चहिं सुइ आन जेर मताक्‍नीनी। ब्‍यवस्‍था १५:६

ब्‍यवस्‍था 28:12 ပူးပေါင်းရင်းမြစ်များ

१ राजा 18:1

मिनु परमप्रभु यावेम रागी सोव़शो शुश नाक्‍त नोले बर्स सांमी एलीया कली लोव़ पवा बाक्‍त। मार लोव़ पवा बाक्‍त देंशा हना “गे लशा, आहाब कली ग्रुमो। मिनु गो रागीम रेउ यिपाइक्‍नुङ” देंमाक्‍त।

अय्‍युब 38:22

गे शुश फुं बाक्‍तीकेम ओव़ङे? गे शुश मुप्‍स बाक्‍तीक तवी? यहोसु १०:११; यसैया ३०:३०

भजन संग्रह 135:7

मेकोमी रागी आ सुर सुर रे गोस्‍स पोक्‍ब। मेकोमी चिला दाप्‍पाइश्‍शा, रेउ यिपाइक्‍ब। मिनु मेकोमी आ बाक्‍तीक रे फश पपाइक्‍ब। येरमीया १०:१३

हितोपदेस 22:7

क्‍येट थीबमी प्रुङग कली अधिकार पाइब। जेर ताक्‍ब मुर जेर गेब आ वाइल बाक्‍ब।

इजीकीएल 34:26

गो मेको आन कली नु आं डांडा आ एर ओंथ नेल्‍ल ङा रागी कली अरु आन कली आसीक गेब सेल्‍नुङमी। गो रेउ यिची ना मेको आन कली रेउ यिपाइक्‍नुङ। मेको रेउ आसीक खोदेंशो पा यीब। लेवी २६:४

लेवी 26:4

गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

ब्‍यवस्‍था 11:14

मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्‍न, इन अङगुर नु तेल रवा आन फल खुप्‍ने चाप्‍नीनी।

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

ब्‍यवस्‍था 15:10

गेपुकीमी मेको कली हाइश्‍शो थुं पा गन गन मपथु गेने। मारदे हना ओं पतीकेन परमप्रभु यावे, इन परमप्रभुमी इन कली इन पशो नेल्‍लेमी आसीक गेब। २कोरिन्‍थी ९:६-७

ब्‍यवस्‍था 15:6

मारदे हना परमप्रभु यावे, इन परमप्रभुमी इन कली देंशो खोदेंशो पा इन कली आसीक गेब। मिनु गे शुश रागी रागी ङा मुर आन कली जेर गेब दुम्‍नीनी। गेपुकीम चहिं जेर पुंइचा ममाल्‍नीनी। मिनु गेपुकीमी शुश रागी रागी ङा मुर आन कली हुकुम पाइनीनी। तन्‍न मेकोपुकीमी इन कली हुकुम मपाइ‍नीम। ब्‍यवस्‍था २८:१२

ब्‍यवस्‍था 23:20

अर्को रागी ङा मुर आन कली चाइक्‍ब गेपाइक्‍ने चाप्‍नीनी। तन्‍न इन लोक्‍ब आन कली जेर गेशा आ चाइक्‍ब मथाप्‍पाइक्‍चा। मिनु मेको टीतीनी हना, परमप्रभु यावे, इन परमप्रभुमी गे लचा चिक्‍शो इन के सेल्‍चा चिक्‍शो रागीमी इन कली आसीक गेब।

ब्‍यवस्‍था 28:24

मिनु परमप्रभु यावेमी इन रागीम रेउ कली फुरक सेल्‍ब। मिनु गेपुकी खतम मदुम्‍नी सम्‍म सरीङ रे मोदेंशो पा फुरक इन तारी यिना यिन बाक्‍ब।

ब्‍यवस्‍था 28:44

मेकोपुकीमी इन कली जेर गेनीम। तन्‍न गेपुकीमी मेको आन कली जेर गेने मचाप्‍नीनी। मेकोपुकी पिया खोदेंशो दुम्‍नीम, गेपुकी चहिं मीलु खोदेंशो दुम्‍नीनी। ब्‍यवस्‍था २८:१२-१३