ब्‍यवस्‍था 28:10 - Sunuwar Bible

¹⁰ मिनु ‘गेपुकी परमप्रभु यावे आ नें पाइश्‍शो मुर बाक्‍नीनी’ दे जात जात ङा मुर नेल्‍लेम तुइश्‍शा, इन कली तशा, शुश हिंनीम।

ब्‍यवस्‍था 28:10 ပူးပေါင်းရင်းမြစ်များ

२ इतिहास 7:14

मिनु आं मुरपुकी ब्रेम्‍शो दुम्‍शा, आं कली पुंइशा, आं कली माल्‍तेक्‍म हना, आन मरिम्‍शो लां रे लेत्‍‍तेक्‍म हना, गो स्‍वर्ग रे मेको आन पुंइशो नेंनुङ। मिनु मेको आन पाप क्‍याम्‍नुङ। मिनु गो मेको आन रागी कली ङोंइती ङा खोदेंशो पा रिम्‍शो सेल्‍नुङ।

ब्‍यवस्‍था 11:25

गे नु लडाइ पा सुइ मग्रानीम। परमप्रभु यावे, इन परमप्रभुमी आ देंशो खोदेंशो पा तेको रागी थेक्‍नीनी, मेकेर ङा मुर आन कली इन कली तशा हिंतीक थुं गेब। प्रस्‍थान २३:२७

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

मलाकी 3:12

मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत।

१ इतिहास 14:17

मोपा दाऊद आ ठेयब दुम्‍तीके रागी नेल्‍ल ब्रमाक्‍त। मिनु परमप्रभु यावेमी रागी रागी ङा मुर नेल्‍ल आन थुंमी दाऊद क्‍येङा हिंतीक थुं वोदा बाक्‍त।

गन्‍ती 6:27

मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

प्रस्‍थान 14:25

आन बग्‍गी ङा गुगील पुइश्‍शा गेतीके, गाक्‍ने मचबेम। मिनु इजीप्‍त ङा मुरपुकीमी “इस्राएली रे प्रोक्‍य, परमप्रभु यावेमी मेको आन कली वारच पशा, इजीप्‍त ङा मुरपुकी नु लडाइ पाइब” देंमा बाक्‍त।

प्रस्‍थान 12:33

मिनु इजीप्‍त ङा मुरपुकीमी मेको आन कली आन रागी रे ब्रा ब्रु खेरशा सोइक्‍ताक्‍म। मारदे हना “गो नेल्‍ल बेक्‍नय” दे हिंतेक्‍म। प्रस्‍थान ६:१

यसैया 63:19

गोपुकी ङोंइती रे इन सासन पशो मुर खोदेंशो मदुम्‍क। इन नेंमी ब्रेत्‍चा पुंइसीशो मुर खोदेंशो मदुम्‍क” देंतेक्‍म।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

प्रेरित 15:17

मारदे हना योव़चा पुंइसीशो अर्को रागी ङा मुरपुकीमी आं कली तुइश्‍शा, आं मुर दुम्‍मल, दे मो पाइक्‍नुङ।

ब्‍यवस्‍था 2:25

मुलाक्‍त रे गो जात जात ङा मुर नेल्‍ल आन कली इन लोव़ नेंशा, इन क्‍येङा हिंशा, ख्रिंख्रि पाइब सेल्‍नुङमी’ देंत। प्रस्‍थान २३:२७

येरमीया 14:9

गे मारदे इन थुं ग्‍येत्‍थ लुक्‍च दुम्‍शा बाक्‍शो मुर खोदेंशो दुम्‍नीनी? मारदे प्रोंइने मचाप्‍ब सक्ति मबाक्‍शो लडाइ पाइब खोदेंशो दुम्‍नीनी? परमप्रभु यावे, गे आंइ दातेम बाक्‍शो बाक्‍नीनी। गो इन नेंमी ब्रेत्‍‍चा पुंइसीशो बाक्‍नीकी। आंइ कली मप्रोनीन” देंनीम। येरमीया १५:१६; यसैया ४३:७