ब्‍यवस्‍था 27:26 - Sunuwar Bible

²⁶ मिनु “सु मुरुमी एको अरेशो लोव़ नेल्‍ल खाप्‍शा मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। गलाती ३:१०

ब्‍यवस्‍था 27:26 ပူးပေါင်းရင်းမြစ်များ

२ राजा 22:13

“गे आं पर्बम, आं मुर आन पर्बम नु यहूदा आ पर्बम मेको थिश्‍शो कागजमी मार ब्रेक्‍शो बाक्‍मे, दे परमप्रभु यावे कली हिल्‍लो पथ लने। मारदे हना परमप्रभु यावे थाम्‍पा गाइश्‍शो बाक्‍ब। इं किकी पिपीम एको कागजम ब्रेक्‍शो लोव़ मटीमे। मेकोपुकीम इं पर्बम मेकेर ब्रेक्‍शो लोव़ नेल्‍ल मपाम” देंमाक्‍त।

एज्रा 7:26

इ परमप्रभु आ लोव़ मटीब नु पिप आ अरेशो मटीब, नेल्‍ल आन कली सजाइ गेचा माल्‍नीम। मेको आन कली साइक्‍चा पुंइसीचा ङा, रागी रे तिल्‍चा पुंइसीतीके, मेको आन शोंप नेल्‍ल रोइक्‍चा पुंइसीतीके नु चोक्‍चा पुंइसीतीके, मार सजाइ हना यो गेचा माल्‍नीम” दे ब्रेक्‍शो बाक्‍त।

भजन संग्रह 119:21

गे इन शेंशो प्रोंइब ठेयब लेश्‍शो नु सराप रशो मुर आन कली हुइक्‍नीनी। ब्‍यवस्‍था २७:२६; गलाती ३:१०

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

रोमी 10:5

मिनु मोसामी परमप्रभु यावे आ अरेशो लोव़ पतीक रे ठीक दुम्‍तीके ब्रेक्‍शो बाक्‍ब। “परमप्रभु यावे आ अरेशो लोव़ टीबपुकी मेको लोव़ टितीकेन ब्रोंइनीम” दे ब्रेक्‍शो बाक्‍त देंनीम। लेवी १८:५

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

२ कोरिन्‍थी 3:9

मारदे हना बेक्‍तीक कबल छेङछेङ बाक्‍त हना, ठीक पतीके आ कबल मेको क्‍येङा शुश छेङछेङ दुम्‍चा माल्‍ब। रोमी १:१७; रोमी ३:२१

गलाती 3:10

सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३