ब्‍यवस्‍था 26:3 - Sunuwar Bible

³ मिनु गे मेना गेय पाइब चढ़ेब आन बाक्‍तीक लचा माल्‍नीनी। मिनु मेको कली गो परमप्रभु यावे, इन परमप्रभु आ ङोंइती ‘परमप्रभु यावेमी आंइ किकी पिपी नु कसम जशा गे‍नुङ, देंशो रागीम गो मुलाक्‍ती जाक्‍ती’ देंचा माल्‍नीनी।

ब्‍यवस्‍था 26:3 ပူးပေါင်းရင်းမြစ်များ

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४

ब्‍यवस्‍था 19:17

दोस गेब नु दोस ताइब निम्‍फा, परमप्रभु यावे आ ङोंइती, चढ़ेब नु निसाफ पाइब आ नेक्‍था जाक्‍चा माल्‍नीस।

ब्‍यवस्‍था 26:2

परमप्रभु यावे, इन परमप्रभुमी इन कली गेशो रागी ङा ङोंइती मीशो मारेइ मारेइ डालो काम कुर पा परमप्रभु यावे, इन परमप्रभु आ योव़शो बाक्‍तीकेम लतीन। प्रस्‍थान २३:१९; लेवी २:१४

ब्‍यवस्‍था 26:4

मिनु मेको चढ़ेबमी मेको डालो इन गुइ रे ताक्‍शा, परमप्रभु यावे, इन परमप्रभु कली चढ़ेतीक आ ङोंइती वोइक्‍चा माल्‍ब।

हिब्रू 10:21

मिनु परमप्रभु यावे आ खिं ङा ठेयब चढ़ेब दुम्‍त।

हिब्रू 13:15

येसु रे पा परमप्रभु यावे कली मान पा ठेयब सेल्‍ना सेल्‍न बाक्‍य। मेको यो इं शोव़ ङा भेटी बाक्‍ब। भजन संग्रह ५०: १४,२३; होसे १४:३

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१