ब्‍यवस्‍था 26:19 - Sunuwar Bible

¹⁹ गो आं सेल्‍शो रागी रागी आन दातेमी इन कली नेल्‍ल क्‍येङा ठेयब सेल्‍नुङ। मान पाइक्‍चा पुंइसीशा, इन नें ठेयब सेल्‍चा नु शुश दारशो सेल्‍नुङ। मिनु परमप्रभु यावे, इन परमप्रभु आ मुरपुकी दुम्‍चा माल्‍नीनी’ दे परमप्रभु यावेमी इन कली देंशो बाक्‍त” देंत। ब्‍यवस्‍था १८:१

ब्‍यवस्‍था 26:19 ပူးပေါင်းရင်းမြစ်များ

भजन संग्रह 148:14

मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

प्रस्‍थान 19:6

गे आं कली चढ़ेब आन राज्‍य नु आं योव़शो जात ङा मुर दुम्‍चा माल्‍नीनी’ दे मेको लोव़ इस्राएली आन कली देंचा माल्‍नेवे” दे माइक्‍तु। यसैया ६१:६; १ पत्रुस २:९; प्रकाश १:६; लेवी १९:२

यसैया 62:12

मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०

येरमीया 13:11

मारदे हना दोपा मुरुम आ धोती रांम पांइसीशो बाक्‍बा, मोपा गो इस्राएल आ खिं ङा मुर नेल्‍ल नु यहूदा आ खिं ङा मुर नेल्‍ल आन कली आं मुर दुम्‍मल, दे आं नेक्‍था वोइक्‍तामी। आं कली मान पामेक्‍ल, आं कली ठेयब सेल्‍मेक्‍ल, आं दारसम ग्‍योम्‍सीमल, दे पांइसाक्‍यी। तन्‍न मेकोपुकीमी आं देंशो लोव़ आन नोफा मदाइक्‍तेम” दे परमप्रभु यावेम देंत।

येरमीया 2:3

इस्राएल आंम परमप्रभु यावे कली आ का ला बाक्‍शो ग्‍युम्‍ली खोदेंशो बाक्‍त। मेको, आ गेय ङा ङोंइती ङा फल खोदेंशो बाक्‍त। मेको कली नेक्‍‍ब नेल्‍ल दोस ताइब दुम्‍तेक्‍म। मेको श्‍येत जाम्‍तेक्‍म’ देनो” दे माइक्‍ती। प्रस्‍थान २८:३६; आमोस ६:१; याकूब १:१८

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

सेफन्‍याह 3:19

मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७

सेफन्‍याह 3:20

मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

ब्‍यवस्‍था 27:1

मिनु मोसा नु इस्राएल ङा खाल्‍पापुकीमी मुर आन कली “मुलाक्‍ती इन कली देंशो शेंशो लोव़ नेल्‍ल टिशा पने।

ब्‍यवस्‍था 28:1

मिनु मोसामी “मुलाक्‍त गो इन कली माइश्‍शो परमप्रभु यावे, इन परमप्रभु आ देंशो नेल्‍ल होस पा टिशा, आ शेंशो पाइतीनी हना, परमप्रभु यावे, इन परमप्रभुमी इन कली नेल्‍ल रागी रागी ङा मुर आन क्‍येङा ठेयब सेल्‍ब। ब्‍यवस्‍था २६:१९

ब्‍यवस्‍था 28:13

मिनु मुलाक्‍ती इन कली माइश्‍शो परमप्रभु यावे, इन परमप्रभु आ शेंशो होस पा टिशा पाइतीनी हना, परमप्रभु यावेमी इन कली पिया खोदेंशो पा, मुर आन कली अरेब सेल्‍ब। मीलु खोदेंशो पा अरु आन कली खोइक्‍ब ममाइ। मिनु गे शुश ठेयब दुम्‍शा लाइक्‍नीनी।

ब्‍यवस्‍था 28:9

मिनु गेपुकीमी परमप्रभु यावे, इन परमप्रभु आ शेंशो लोव़ टिशा पाइतीनी हना नु आ लांमी गाक्‍तीनी हना, आ कसम जशो खोदेंशो पा इन कली आंम मुर सेल्‍शा वोइक्‍ब। प्रस्‍थान १९:५-६

ब्‍यवस्‍था 7:6

मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८