ब्‍यवस्‍था 26:15 - Sunuwar Bible

¹⁵ इन स्‍वर्ग ङा बाक्‍तीके रे कोव़शा, इन मुर, इस्राएली, आंइ कली आसीक गेने। मिनु आंइ किकी पिपी नु कसम जशा गेशो शुश दूध नु खुदो बाक्‍शो रागी कली यो आसीक गेने” दे परमप्रभु कली लोव़ पचा माल्ब।

ब्‍यवस्‍था 26:15 ပူးပေါင်းရင်းမြစ်များ

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

१ राजा 8:43

गे मेको आन लोव़ इन बाक्‍तीक स्‍वर्ग रे नेंशा, मेको अर्को रागी ङा मुर आन पुंइशो नेल्‍ल गेने। मिनु इन मुर इस्राएली खोदेंशो पा रागी ङा मुर नेल्‍लेम इन नें तुइक्‍तमेक्‍ल। मिनु इन कली मान पा हिंमल। गे एको आं सेल्‍शो खिंम बाक्‍नीनी, दे तुइक्‍तमेक्‍ल।

२ इतिहास 30:27

मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।

भजन संग्रह 28:9

इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने।

भजन संग्रह 51:18

इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।

भजन संग्रह 68:5

परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। भजन संग्रह १०:१४

भजन संग्रह 80:14

मुर नेल्‍ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। होसे ११:१

भजन संग्रह 80:15

इन सक्तिमी ख्रुम्‍शो बोट कली कोव़ङीन। गे इन तौ इन कली कोल्‍पाइक्‍तीनी।

भजन संग्रह 90:17

परमप्रभु यावे, आंइ परमप्रभु, इन शिशी आंइ तार बाक्‍‍ल। मिनु आंइ गुइ ङा गेय रिम्‍शो दुम्‍ल। थमा पा, आंइ पशो नेल्‍ल रिम्‍शो सेलीन।

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

यसैया 63:15

सरीङ ङा इन छेङछेङ ङा बाक्‍तीके रे उइ कोव़ङीन। इन वारच पचा दाक्‍तीके नु इन सक्ति ते बाक्‍मे? इन थुं ङा आंइ कली दाक्‍तीके नु इन शिशी पतीके ते बाक्‍म? गो मेको मतक। ब्‍यवस्‍था २६:१५

येरमीया 31:23

मुर नेल्‍ल आन परमप्रभु यावे, इस्राएली आन परमप्रभुमी “गो मेको आन शोंप लेश्‍शा गेता हना, मेकोपुकीमी लेंशा यहूदा रागी नु मेको आ सहरपुकीम ‘गे ठीक पाइब नु परमप्रभु यावे आ डांडा, परमप्रभु यावेमी इ कली आसीक गेवल’ देंनीम। जकरिया ८:३

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

मत्ती 6:9

ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

प्रेरित 7:49

‘सरीङ आं नित्‍तीके बाक्‍ब। रागीम आं खोइल थेक्‍तीक बाक्‍ब। मोपतीके आं कली दोदेंशो खिं सेल्‍ने चाप्‍नीनी? गो आं नाइक्‍चा कली बाक्‍तीक मार सेल्‍ने चाप्‍नीनी?

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४

ब्‍यवस्‍था 26:14

रोंका पङानु, मेको रे मारेइ मजङ। गो ग्रांग्रा दिशो बाक्‍ङानु, मेको रे मारेइ मग्रुंइदु। मिनु बेक्‍शो मुर आन कली यो मेकेर रे मारेइ मगेशो बाक्‍ती। गो परमप्रभु यावे, आं परमप्रभु आ देंशो टिशा, इन अरेशो नेल्‍ल खाप्‍शो बाक्‍ती। गन्‍ती १९:१४-१५; इजीकीएल २४:१७,२२; होसे ९:४

ब्‍यवस्‍था 26:7

मिनु गोपुकीमी परमप्रभु यावे, इं किकी पिप आन परमप्रभु कली पुंइतक। मिनु मेकोमी आंइ पुंइशो नेंशा, आंइ श्‍येत तशा नु दोपा आंइ कली दिप्‍शो बाक्‍मा, मेको ताप्‍तु।

ब्‍यवस्‍था 26:9

मेकोमी एकेर चाक्‍शा, एको रागी आंइ कली गेप्‍तु। मिनु एको रागीम दूध नु खुदो शुश बाक्‍त।

ब्‍यवस्‍था 6:3

मोपतीके इस्राएलीपुकी, इन नोफा दाइश्‍शा, एको पचा कली होस पा बाक्‍कीन। गे शुश सोशो बोशो दुम्‍शा इन कली रिम्‍शो दुम्‍ल। ङोंइती परमप्रभु यावे, इन किकी पिपी आन परमप्रभुमी मेको आन कली मोदेंशो पा लोव़ पाप्‍तु। मेको दूध नु खुदो शुश बाक्‍शो रागी इन के दुम्‍ब। लूका ११:२८