ब्‍यवस्‍था 25:9 - Sunuwar Bible

⁹ आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।

ब्‍यवस्‍था 25:9 ပူးပေါင်းရင်းမြစ်များ

अय्‍युब 30:10

मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। अय्‍युब १७:६; मत्ती २६:६७

यसैया 20:2

मेना परमप्रभु यावेमी आमोज आ तौ यसैया कली “इ फेक्‍शो अरन्‍डी नु जुत्ता प्रुतो” देंत। मिनु मोपा यसैया जुत्ता मलिक्‍थु, वा मफेक्‍थु, शिश्रा गाक्‍चा गोप्‍तु।

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

गन्‍ती 12:14

मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६

मत्ती 26:67

मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६

मत्ती 27:30

मिनु आ कुलम तोक्‍तमे बाक्‍त। मेको किन्‍दा रोइश्‍शा, आ पियामी तेत्‍मे बाक्‍त। यसैया ५०:६

मर्कूस 1:7

मिनु मुर आन कली “आं नोले जाक्‍ब आं क्‍येङा सक्ति पाइश्‍शो बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा लायो मशिरनुङ।

मर्कूस 10:34

मिनु मेकोपुकीमी शुक्‍शी पशा, आ कुलमी तोक्‍शा युक्‍नीम। मिनु साइक्‍नीम। मिनु बेक्‍शो आ नित्‍थ नाक्‍ती बेक्‍शो रे सेंसीब” दे तुइक्‍पाइक्‍मी बाक्‍त।

यूहन्‍ना 1:27

आं नोले जाक्‍शो बाक्‍त हना यो, गो मेको आ जुत्ता प्रुइक्‍चा यो मशिरनुङ” देंत।

ब्‍यवस्‍था 25:10

मिनु इस्राएलमी मेको आ खिं ङा मुर आन कली ‘जुत्ता प्रुंइसीशो मुर’ दे नें वोइक्‍चा माल्‍नीम।

ब्‍यवस्‍था 25:8

मिनु मेको सहर ङा खाल्‍पापुकीमी मेको कली ब्रेश्‍शा, मेको नु लोव़ पचा माल्‍नीम। मिनु मेकोमी ‘गो एको कली मचाक्‍नुङ’ दे आ थुं मलेत्‍ताक्‍व हना,

रूथ 4:6

मिनु रूथ आ नेक्‍था ङा मुरुमी “गो ग्‍याप्‍ता हना, आं आंम थेरशो रू मरिम्‍शो दुम्‍ब। आं पचा माल्‍शो गेय गेन पावो। गो ग्‍याप्‍ने मचाप्‍नुङ” देंमाक्‍त।

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८