ब्‍यवस्‍था 25:6 - Sunuwar Bible

⁶ मिनु मेको आ ङोंइती जरमेशो तौ कली मेको बेक्‍शो आ नें वोइक्‍चा माल्‍नीम। मिनु मोपा आ नें इस्राएल रे मक्‍याम्‍सीब।

ब्‍यवस्‍था 25:6 ပူးပေါင်းရင်းမြစ်များ

उत्पत्ती 38:8

मिनु यहूदामी ओनान कली “रिउम पतीक गेय पा इ लोक्‍ब आ मीश नु बाक्‍को। इ लोक्‍ब कली आल सेलो” दे मदा बाक्‍त। ब्‍यवस्‍था २५:५-१०

उत्पत्ती 38:9

मिनु ओनानमी आ आल मदुम्ब, दे तुइश्‍शा, आ लोक्‍ब आ मीश नु बाक्‍ची ना आ लोक्‍ब आ आल मसेल्‍चा, दे आ वांचेर खपीम ताइक्‍बाक्‍माक्‍त।

भजन संग्रह 109:13

मेको आ खिं ङा मुर नेल्‍ल क्‍याम्‍सीमल। मिनु आ तमी तौ आन पालाम मेको आन नें क्‍याम्‍सेक्‍ल। इजीकीएल १८:२०-२३

भजन संग्रह 9:5

मिनु गे रागी रागी ङा मुर आन कली हुइक्‍ताक्‍नी। इन अरेशो मटीब आन कली साइक्‍तीनी। मेको आन नें लेंशा ममिम्‍चा ङा पा क्‍याम्‍ताक्‍नी।

ब्‍यवस्‍था 21:19

मेको आ आंम आफोम मेको कली ग्‍याइश्‍शा, सहर ङा खाल्‍पा आन ङोंइती सहर ङा लाप्‍चो आ नेक्‍था चाक्‍चा माल्‍नीम।

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

ब्‍यवस्‍था 9:14

मुल आं कली पुंइचा प्रोंइयी। मिनु गो मेको आन कली खतम सेल्‍नुङ। मिनु मेको आन नें रागी रे क्‍याम्‍नुङ। मिनु गे रे पा मेको आन क्‍येङा ठेयब नु सक्ति पाइश्‍शो जात का सेल्‍नुङ’ देंत।