ब्‍यवस्‍था 25:1 - Sunuwar Bible

¹ मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७

ब्‍यवस्‍था 25:1 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

१ राजा 8:32

गे इर स्‍वर्गम मेको आन लोव़ नेंशा, निसाफ पने। मिनु दोस ताइब आ मरिम्‍शो पशो आ पियामी मोइक्‍तीन। मिनु ठीक पाइब कली दोस मताइब बाक्‍ब देंनीन। मोपा ठीक पाइब कली रिम्‍शो पाइब दुमीन।

प्रस्‍थान 22:9

मिनु बी ब्‍यफ, गधा, भेडा नु वासी मार मार वोइक्‍बमी नु वोइक्‍चा गेब, निम्‍फामी ‘आं के बाक्‍ब’ देंताक्‍स हना, मेको निक्‍शी परमप्रभु आ ङोंइती जाक्‍चा माल्‍नीस। परमप्रभुमी सुम खुइ सुइक्‍बा, मेकोमी का ङा निक्‍शी थाप्‍चा माल्‍ब।

हितोपदेस 17:15

सुमी परमप्रभु यावे आ अरेशो मटीब आ पर्बम “ठीक पाइब बाक्‍ब” देंबा, मिनु ठीक पाइब आ पर्बम “ठीक पाइब मबाक्‍ब” देंबा, मेको निम्‍फा आस कली परमप्रभु यावेमी ग्रांग्रा दी‍ब। यसैया ५:२३

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 5:20

आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

बिलाप 3:35

नेल्‍ल क्‍येङा ठेयब आ ङोंइती मुर आन कली ठीक निसाफ मगेथु, दूली पाइनीम।

बिलाप 3:36

मुर आन कली दूली निसाफ पाइनीम। परमप्रभुमी मेको नेल्‍ल मताइबा ङा?

इजीकीएल 44:24

मारेइ जितीक खेतीक दुम्‍मेनु, चढ़ेबपुकीमीन निसाफ पाइब आन गेय पचा माल्‍नीम। मिनु आं निसाफ पतीक लोव़ खोदेंशो पा मेकोपुकीम निसाफ पचा माल्‍नीम। मेकोपुकीम चाड मानेचा आ पर्बम आं अरेशो नु आं फुल्‍लुम मुशा ब्रेक्‍शो लोव़ खोदेंशो पा पचा माल्‍नीम। मेकोपुकीम आं नाइक्‍तीक नाक्‍ती मानेचा माल्‍नीम। ब्‍यवस्‍था १७:८-९

हबकुक 1:13

गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?

हबकुक 1:4

मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मत्ती 3:10

तिम्‍चा, दे रवा आ पुंमी खा वोइश्‍शो बाक्‍ब। फल मसिप्‍ब रवा का का पा तिम्‍शा मीमी चोचा पुंइसीनीम, दे तुइक्‍तीन। लूका १३:६-९

ब्‍यवस्‍था 17:11

मेको इन कली शेंशा अरेशो लोव़ नु निसाफ पतीके गे पचा माल्‍नीनी। मेको लोव़ नेंशा, ग्‍युरा नु पेरा गे मलने।

ब्‍यवस्‍था 24:22

गेपुकी इजीप्‍त रागीम वाइलीम वाइल दुम्‍शो, मिम्‍तीन। मोपतीके गो इन कली मोदेंशो पचा, दे अरेता।