20 गेपुकीमी तेल रवा आ फल थेप्तीनी हना, लेंशा लीशो फल मथेपीन। मेको लीशो फल अर्को रागी ङा मुर, रोम रोइक्च नु वोंइश बेक्शो मीश मुर आन कली बाक्नीम।
गेपुकीमी इन अङगुर रू ङा फल काइ मलीपाइक्थु, मसेक्कीन। मिनु रूम दोक्शो अङगुर यो मगुपीन। मेको प्रुङग नु अर्को रागी ङा मुर आन कली बाक्ल। गो परमप्रभु यावे, इन परमप्रभु नङ।
मिनु गे इन बाली नाली रिक्नीनु, रू आ सुर सुर सम्म मरिक्कीन। सिला बाला मगुपीन। लेवी २३:२२; ब्यवस्था २४:१९; रूथ २:२,१५,१६
गेपुकीमी खेतम बाली नाली रिक्शा, मुठा का खेतम प्रेंताक्नी हना, लेश्शा ब्रथ मलने। मेको मुठा अर्को रागी ङा मुर, रोम रोइक्च नु वोंइश बेक्शो मीश मुर आन कली बाक्ब। मो पाइतीनी हना, परमप्रभु यावे, इन परमप्रभुमी इन गेय नेल्लेमी इन कली आसीक गेब। लेवी १९:९-१०
गेपुकीमी इन अङगुर रू ङा अङगुर सेक्तीनी हना, लेंशा लीशो फल मसेक्कीन। मेको लीशो फल अर्को रागी ङा मुर, रोम रोइक्च नु वोंइश बेक्शो मीश मुर आन कली बाक्नीम।