ब्‍यवस्‍था 24:14 - Sunuwar Bible

¹⁴ गेपुकीमी इस्राएल ङा कि इन सहरम बाक्‍शो अर्को रागी ङा प्रुङग नु श्‍येत जाइब खेत्‍लाम इन कली गेय पाप्‍तु हना, आ ततीक ठीक पा गेने।

ब्‍यवस्‍था 24:14 ပူးပေါင်းရင်းမြစ်များ

हितोपदेस 14:31

सुम प्रुङग आन कली दिप्‍बा, मेकोमी प्रुङग आन कली सेल्‍ब कली शुक्‍शी पाइब। तन्‍न सुमी प्रुङग आन कली शिशी पाइबा, मेकोमी परमप्रभु यावे कली मान पाइब। हितोपदेस १७:५; अय्‍युब ३१:१३-१५; मत्ती २५:४०

हितोपदेस 22:16

आंम कली शोंप पाइश्‍‍शो सेल्‍चा कली प्रुङग आ थोव़क लाइक्‍चा नु क्‍येट थीब कली कोसेली गेचा, मेको निम्‍फा प्रुङग दुम्‍तीक गेय बाक्‍ब।

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

लेवी 19:13

गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४

आमोस 2:7

मिनु प्रुङग आन पिया फुरकुम खोल्‍शा दिम्‍नीम। श्‍येत जाइब आन कली नेप्‍शा ग्रुंइनीम। पोबु निम्‍फा मीश आल का नु बाक्‍शा, आं नें ग्रांग्रा दिशो सेल्‍नीम। आमोस ८:४

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

आमोस 8:4

मिनु परमप्रभु यावेमी “गे मारेइ मथीब आन कली दिम्‍बपुकी नु रागी ङा प्रुङग आन कली खतम सेल्‍बपुकी, नेनीन। आमोस २:७

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

लूका 10:7

मुरपुकीम बास गेम्‍तेक्‍म हना, गाक्‍ची मजाक्‍म सम्‍म मेकेरन बाक्‍कीन। खिं खिं याक्‍शा मबाक्‍कीन। इन कली मार जचा तूचा गेमे, मेको जने तूङीन। मारदे हना गेय पाइबपुकीमी आन गाल्‍च तचा माल्‍‍नीम।

ब्‍यवस्‍था 15:7

मिनु परमप्रभु यावे, इन परमप्रभुमी इन कली गेशो रागीम, सहर कामी बाक्‍शो इन लोक्‍ब का प्रुङग बाक्‍त हना, इन थुं खकटा पा मबाक्‍कीन। ‘काइ मगेनुङ’ दे मदेनीन। १यूहन्‍ना ३:१७

१ तिमोथी 5:18

परमप्रभु यावे आ लोव़मी “ब्‍यफ कली दांइ पपाइश्‍शोनु, फुङला मपाइक्‍चा” मिनु “गेय पाइब आन गाल्‍च ताइब बाक्‍नीम” दे ब्रेक्‍शो बाक्‍ब। ब्‍‍यवस्‍था २५:४; १कोरिन्‍थी ९:९; लूका १०:७