ब्‍यवस्‍था 24:12 - Sunuwar Bible

¹² मेको मुर प्रुङग बाक्‍त हना, मेको आ जाकटी इन खिंम वोइश्‍शा ब्रशा मइपीन।

ब्‍यवस्‍था 24:12 ပူးပေါင်းရင်းမြစ်များ

अय्‍युब 22:6

गे मोशान इन लोक्‍ब आ वा जाकटी लाइक्‍तीनी। आन वा रोइश्‍शा शिश्रा सेल्‍‍तीनी। प्रस्‍थान २२:२५-२६; अय्‍युब २४:९-१०

अय्‍युब 24:10

मेकोपुकी वा मबाक्‍‍तीके शिश्रा गाक्‍नीम। शोव़लु बेक्‍शा यो, क्‍योव़ज चेरब आ मुठा कुरनीम। यसैया ५८:७

अय्‍युब 24:3

मेकोपुकीम रोम रोइक्‍च आन गधा खुल्‍शा लाइक्‍नीम। मिनु वोंइश बेक्‍शो मीश मुर आन ब्‍यफ जाकटी वोंइ‍सीनीम।

अय्‍युब 24:7

वा मबाक्‍‍तीके मेकोपुकी शिश्रा इप्‍नीम। मेको आन के ग्‍यूमी फेक्‍तीक मबाक्‍ब।

अय्‍युब 24:9

परमप्रभु यावे आ अरेशो मटीबपुकीम रोम रोइक्‍च आन कली आन ममा आ थुकु रे रोइश्‍शा, लाइनीम। मिनु मारेइ मथीब मुर आन आल आन कली आन जेर आ पा ङा लाइ‍नीम।

ब्‍यवस्‍था 24:11

लाङगामीन रिम्‍दीन। मिनु जेर लाइबमी मेको जाकटी लाङगा ग्रुंइशा गेब।

ब्‍यवस्‍था 24:13

नां रिक्‍ची ना मेको जाकटी लेश्‍शा गेने। मिनु मेकोमी मेको आ फेक्‍तीक फेक्‍शा इप्‍थ लने चाप्‍ब। मिनु मेकोम इन कली आसीक गेब। मेको परमप्रभु यावे, इन परमप्रभु आ ङोंइती ठीक पतीक बाक्‍ब। प्रस्‍थान २२:२५; अय्‍युब २२:६; आमोस २:८; ब्‍यवस्‍था ६:२५

ब्‍यवस्‍था 24:17

मिनु अर्को रागी ङा मुर नु रोम रोइक्‍च आन कली निसाफ दूली मपने। मिनु वोंइश बेक्‍शो मीश मुर आन फेक्‍तीक वा जाकटी मवोतीन।