ब्‍यवस्‍था 23:14 - Sunuwar Bible

¹⁴ मारदे हना इन कली प्रोंइचा नु इन जोरी सत्रु आन कली इन कली जिम्‍मा गेचा कली परमप्रभु यावे, इन परमप्रभु इन लडाइ पाइब आन बाक्‍तीकेम बाक्‍ब। मेकोमी इन कली इन जोरी सत्रु रे प्रोंइचा नु मेको आन कली इन गुइम गेब। मोपतीके इन बाक्‍तीके रिम्‍शो, आ खोदेंशो दुम्‍चा माल्‍ब। मिनु इन दातेमी ग्रांग्रा दित्‍चा ङा ताप्‍तु हना, इन बाक्‍तीक रे गाक्‍ब। लेवी २६:१२

ब्‍यवस्‍था 23:14 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

उत्पत्ती 3:8

मिनु नाक्‍नाक्‍दो मेको निक्‍शीमी परमप्रभु यावे रूमी हिरशो नेन्‍से बाक्‍त। मिनु “परमप्रभु यावेम मतचा ङा पा ख्रुइक्‍चा” दे रवा आन दातेमी लशा, ख्रुइक्‍ससा बाक्‍त। भजन संग्रह १३९:७-१०; येरमीया २३:२४

भजन संग्रह 46:5

मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।

प्रस्‍थान 3:5

मिनु लेंशा “एक मपिवो। इ जुत्ता प्रुतो। मारदे हना इ राप्‍शा बाक्‍तीके आं बाक्‍तीके बाक्‍ब। उत्‍पत्ती २८:१७; यहोसु ५:१५

लेवी 26:12

मिनु गो इन दातेमी बाक्‍शा, गो परमप्रभु दुम्‍नुङ। मिनु गेपुकी आं मुर बाक्‍नीनी। गो परमप्रभु यावे, इन परमप्रभु बाक्‍नुङ।

२ कोरिन्‍थी 6:16

परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६

ब्‍यवस्‍था 23:13

गेपुकी इन थोव़क नु दोतीक का यो बाक्‍चा माल्‍ब। ङाइक्‍चा कली लनीनु, पोव़ला दोशा, आगा ङाइश्‍शा नोले ख्री सुम्‍शा वोतीन।

प्रकाश 20:9

मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी।