ब्‍यवस्‍था 22:7 - Sunuwar Bible

⁷ मेको चिक्‍ब कली बेरचा गेचा माल्‍नीनी। आ चाइक्‍ब आन कली लाइक्‍ने चाप्‍नीनी। मो पाइतीनी हना, गे रिम्‍शो पा बाक्‍चा ताइनीनी। मिनु इन ब्रोंइतीक नाक्‍त शुश दुम्‍नीम।

ब्‍यवस्‍था 22:7 ပူးပေါင်းရင်းမြစ်များ

हितोपदेस 22:4

ब्रेम्‍शो थुं पाइश्‍शो नु परमप्रभु यावे कली मान पा हिंब मुर आन इनाम शोंप, मान ततीक नु ब्रोंइतीक बाक्‍ब। हितोपदेस १५:३३

लेवी 22:28

तन्‍न गेपुकी बी नु आ चाइक्‍ब कि भेडा नु आ पाठा काबुमी क्‍योरचा मदुम्‍ब। ब्‍यवस्‍था २२:६-७

ब्‍यवस्‍था 22:8

गे नक खिं सेल्‍तीनी हना, खिं तार एर ओंथ नेल्‍ल थरपु हिरचा माल्‍नीनी। मारदे हना मुर का दोक्‍त हना, गे इन खिं तार दोस मतशो मुर कली साइक्‍तीक पाप राइब।

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।