ब्‍यवस्‍था 22:24 - Sunuwar Bible

²⁴ मेको निम्‍फा आस कली सहर ङा ठेयब लाप्‍चो रे ग्रुंइशा, फुल्‍लु आप्‍शा साइक्‍चा माल्‍नीम। मेको मीश आल वारच पन, दे मग्रीतीके नु मेको वोंइश मुर आ इस्राएली लोक्‍ब आ मीश आल नु बाक्‍तीके, निम्‍फा आस कली साइक्‍चा माल्‍नीम। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी।

ब्‍यवस्‍था 22:24 ပူးပေါင်းရင်းမြစ်များ

उत्पत्ती 29:21

मिनु याकूबमी लाबान कली “आं मीश गेयीनी। ७ बर्स दुम्‍माक्‍त। मेको नु ग्युंबे पाइनुङ” दे मदा बाक्‍त।

अय्‍युब 31:11

मारदे हना मेको थम मरिम्‍शो गेय बाक्‍ब। मेको निसाफ पचा कली मरिम्‍शो बाक्‍ब।

इजीकीएल 16:38

गो इ कली हेंथे गाक्‍ब हुश ख्राक्‍श पोक्‍ब मीश मुर खोदेंशो पा आं निसाफ पतीक लोव़ कोव़शा निसाफ पाइनुङ। गो आं गाइश्‍शो नु रुश पशोमी सजाइ गेनुङ। लेवी २:१०

लेवी 20:10

सुइ मुर अरु आन मीश नु इप्‍त हना, मेको पाइब निम्‍फा आस कली साइक्‍चा माल्‍ब। प्रस्‍थान २०:१४; २सामुएल ११:४; यूहन्‍ना ८:५

मत्ती 1:20

मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

मत्ती 1:24

योसेफ निन्‍द्रा रे सेंसीशा बोक्‍शा, परमप्रभु यावे आ स्‍वर्ग ङा गेय पाइब आ लोव़ टिशा, मरीयम कली आ खिं लदा बाक्‍त।

१ कोरिन्‍थी 5:13

परमप्रभु यावेमी रागी ङा मुर आन कली निसाफ पाइब। गेपुकी नु बाक्‍शो पात्‍के पाइब कली ग्रुंइशा सोइक्‍तीने। ब्‍यवस्‍था ११:६; मत्ती १८:१७

१ कोरिन्‍थी 5:2

मिनु मुल सम्‍म ठेयब लेश्‍शा बाक्‍नीनी? मोदेंशो पशो तशा, इन थुं मखाइक्‍नीनी? मोदेंशो पाइब कली तिल्‍चा माल्‍नीनी। १कोरिन्‍थी ४:६-८

ब्‍यवस्‍था 13:5

मिनु गेपुकीमी परमप्रभु यावे आ लोव़ पाइब मेको ङोमु ङा लोव़ शेंब कली साइक्‍चा माल्‍नीनी। मारदे हना मेकोमी परमप्रभु यावे, इन परमप्रभु कली प्रोंइपाइक्‍चा, दे इन कली दूली शेंताक्‍व। मिनु इन कली वाइलीम वाइल दुम्‍तीके रे इजीप्‍त रे ग्रुंइशा एक चाक्‍ब परमप्रभु यावे, इन परमप्रभु बाक्‍ब। मोदेंशो मुरपुकीमी इन कली परमप्रभु यावे आ कोंइ‍शो लां रे हेंथे गाक्‍पाइक्‍चा दाक्‍नीम।

ब्‍यवस्‍था 17:7

मेको आन पशो ताइब सांकछीपुकीमी नेल्‍ल क्‍येङा ङोंइती मेको आन कली साइक्‍चा, दे फुल्‍लु आप्‍चा माल्‍ब। मेको नोले ला नेल्‍ल अरुम पचा माल्‍नीम। मिनु मोपा गेपुकीमी मरिम्‍शो नेल्‍ल इन दाते रे ग्रुंइचा माल्‍नीनी।

ब्‍यवस्‍था 21:14

मिनु गे मेको कली तशा ब्रीताक्‍नी हना, मेको कली तिल्‍चा दाक्‍ताक्‍नी हना, मेको कली प्रोंइ‍शा लचा गेन। गे मेको कली लेयचा मताइनीनी। मिनु वाइलीम कली खोदेंशो पचा मताइनीनी। मारदे हना मेको इन मीश बाक्‍त।

ब्‍यवस्‍था 22:23

मिनु ग्‍युंबे पचा कली पुंइशो मीश आल का कली सहरम अरु वोंइश मुर काम ग्रुम्‍तु हना, मेको नु इप्‍त हना,

ब्‍यवस्‍था 22:25

तन्‍न मेको वोंइश मुरुम मेको ग्‍युंबे पचा कली पुंइशो मीश आल कली रूम थित्‍तु हना, मेको कली ग्‍याइश्‍शा बिथोलो पाप्‍तु हना, मेको वोंइश मुर कली ला साइक्‍चा माल्‍ब।