ब्‍यवस्‍था 21:8 - Sunuwar Bible

⁸ मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।

ब्‍यवस्‍था 21:8 ပူးပေါင်းရင်းမြစ်များ

२ सामुएल 3:28

मिनु नोले दाऊदम मेको लोव़ नेंशा “गो नु आं राज्‍य परमप्रभु यावे आ ङोंइती गेनायो नेर आ तौ आब्‍नेर साइश्‍शो आ पर्बम दोस मताइब दुम्‍नीकी।

१ राजा 2:31

मिनु पिपमी बेनायाह कली “मेको आ देंशो खोदेंशो पावो। मेको कली साइश्‍शा थिमीन। मोपा योआब आ मोशा हुश ख्राक्‍श पोक्‍शो दोस गो नु आं आफ आ खिं रे क्‍याम्‍दीन।

२ राजा 24:4

मारदे हना मनस्‍सेम दोस मताइब मुर आन कली साइश्‍शा, यरूसलेम कली हुशेम प्रिंशो बाक्‍माक्‍त। मिनु परमप्रभु यावेमी मेको कली माफ गेने मबिश्‍शो बाक्‍माक्‍त।

भजन संग्रह 19:12

आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६

येरमीया 26:15

तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५

इजीकीएल 23:3

मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

लेवी 17:4

मिनु परमप्रभु यावे आ ङोंइती चढ़ेचा कली ग्रुम्‍तीक ताम्‍बु आ ओव़तीकेम मचाक्‍बा, मेको मुर साइश्‍शो आ पर्बम दोस ताइब। मेकोमी साइक्‍तीके आ मुर रे तिल्‍चा पुंइसीब। उत्‍पत्ती ९:६

योना 1:14

मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

ब्‍यवस्‍था 21:7

मिनु मेकोपुकीमी “गोपुकी आंइ गुइमी हुश ख्राक्‍श मपोक्‍शो। सुम पवा मेको यो मतुइश्‍शो।