ब्‍यवस्‍था 21:7 - Sunuwar Bible

⁷ मिनु मेकोपुकीमी “गोपुकी आंइ गुइमी हुश ख्राक्‍श मपोक्‍शो। सुम पवा मेको यो मतुइश्‍शो।

ब्‍यवस्‍था 21:7 ပူးပေါင်းရင်းမြစ်များ

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

गन्‍ती 35:33

मिनु गेपुकीमी इन बाक्‍तीक रागी ग्रांग्रा दिशो मसेलीन। मारदे हना रागी हुशेम ग्रांग्रा दिशो सेल्‍ब। मिनु मेको ग्रांग्रा मदिशो सेल्‍ने मचाप्‍नीम। हुश ख्राक्‍श पोक्‍ब कली साइश्‍शा ला मेको रागी ग्रांग्रा मदिशो सेल्‍ने चाम्‍सीब।

ब्‍यवस्‍था 21:6

मिनु मेको साइश्‍शो मुर आ सहर नेक्‍था ङा खाल्‍पापुकी मेको शुर रोप्‍शा साइश्‍शो खोला ङा बी तार आन गुइ चिक्‍‍सीमल। मत्ती २७:२४

ब्‍यवस्‍था 21:8

मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।