अम्राम आ तौ हारून नु मोसा बाक्सा बाक्त। हारून नेल्ल क्येङा चोव़खो चढ़ेतीक गेय पाइब सेल्चा कली योव़चा पुंइसे बाक्त। मेको नु आ तौपुकी गेना हना यो परमप्रभु यावे आ ङोंइती चढ़ेचा माल्दमे बाक्त। परमप्रभु आ ङोंइती गेय पचा कली नु आ नेंमी गेना हना यो आसीक गेचा कली योव़शो बाक्मा बाक्त। १इतिहास ५:२९; १इतिहास ६:३४; ब्यवस्था १०:८; गन्ती ६:२४-२७
ब्यवस्था 21:5 - Sunuwar Bible5 मिनु चढ़ेब, लेवी आ तौपुकी मेको आ नेक्था जाक्चा माल्नीम। मारदे हना परमप्रभु यावे, इन परमप्रभु आ गेय पचा नु आ नेंमी आसीक गेचा कली योव़तु। मिनु जिशो खेशो बाक्त हना, मेको आन देंशो पचा माल्नीम। ब्यवस्था १७:८-९ အခန်းကိုကြည့်ပါ။ |
ब्यवस्था 21:5
12 ပူးပေါင်းရင်းမြစ်များ
मिनु अरु सहर ङा आइक्च निसाफ पाइब इन लोक्ब, इन बाक्तीक सहरम इन कली हिल्लो पचा कली जाक्नीमी। मार बाक्त हना यो, मुर साइश्शो आ पर्बम बाक्त हना यो, परमप्रभु यावे आ अरेशो लोव़ आ पर्बम बाक्त हना यो, शेंतीक लोव़ आ पर्बम बाक्त हना यो, फुल्लुम मुशा ब्रेक्शो लोव़ नु निसाफ पतीक लोव़ बाक्त हना यो, गे मेको आन कली शेंचा माल्नीनी। मोपा मेकोपुकीमी दूली मपथु, परमप्रभु यावे आ ङोंइती पाप मपाइनीम। मेकोपुकीम मरिम्शो पाम्तेक्म हना, परमप्रभु इन पर्बम नु इन लोक्ब, आइक्च निसाफ पाइब आन पर्बम गाइक्ब। पाप मपथु, रिम्शो शेंदीने।
मिनु मेकोमी आं कली “परमप्रभु यावे आ खिं ङा श्येत्थ बाक्तीके आइक्ची उत्तर गे नु दक्खिन गे ङा कोठापुकी चढ़ेब आन कोठा बाक्नीम। मेकेर परमप्रभु यावे आ ङोंइती बाक्शो चढ़ेबपुकीमी नेल्ल क्येङा चोव़खो चढ़ेशो ब्वाइनीम। मेकेर नेल्ल क्येङा चोव़खो चढे़शो, अन्न चढ़ेशो, पाप आ पर्बम चढ़ेशो नु दोस आ पर्बम चढ़ेशो वोइक्नीम। मारदे हना मेको चोव़खो बाक्तीके बाक्ब।
मारेइ जितीक खेतीक दुम्मेनु, चढ़ेबपुकीमीन निसाफ पाइब आन गेय पचा माल्नीम। मिनु आं निसाफ पतीक लोव़ खोदेंशो पा मेकोपुकीम निसाफ पचा माल्नीम। मेकोपुकीम चाड मानेचा आ पर्बम आं अरेशो नु आं फुल्लुम मुशा ब्रेक्शो लोव़ खोदेंशो पा पचा माल्नीम। मेकोपुकीम आं नाइक्तीक नाक्ती मानेचा माल्नीम। ब्यवस्था १७:८-९
ကြော်ငြာတွေ