ब्‍यवस्‍था 21:23 - Sunuwar Bible

²³ मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३

ब्‍यवस्‍था 21:23 ပူးပေါင်းရင်းမြစ်များ

२ सामुएल 21:10

आइयाह आ तमी रिस्‍‍पाहम रोंगु तारी आंम कली बाक्‍तीक सेल्‍चा कली भाङग्रा ब्रवा बाक्‍त। मिनु क्‍योव़ज ओंइतीक आ ङोंइती ङा नाक्‍त रे रेउ यिचा सम्‍म मेकोमी आ तौ आन बेक्‍शो रां आन कली खाल पवा बाक्‍त। नाक्‍ती आन तार चिक्‍ब जुक्‍चा मगेथु, नाक्‍दो ब्‍वाकी ङा जन्‍तुम ब्‍वचा मगेमी बाक्‍त।

२ सामुएल 21:6

मेको आ ७ जना तौ चच आंइ कली गेने। मिनु गो मेको आन कली परमप्रभु यावे आ ङोंइती आ डांडा गिबोन सहरमी साइक्‍नीकी” देंमा बाक्‍त। मिनु पिपमी “गो मेको इन कली गेनुङ” देंमाक्‍त। ब्‍यवस्‍था २१:२२-२३

२ राजा 10:8

मिनु लोव़ कुरब मुर जाक्‍शा, येहू कली “मेकोपुकीम पिप आ तौ आन पिया चाक्‍तेक्‍म” देंमाक्‍त। मिनु येहूमी मेको कली “मेको आन कली पुक्‍थ्री निक्‍शी पा पुक्‍शा, सहर ङा ठेयब लाप्‍चो आ ङोंइती दीसा सुनी सम्‍म वोतीन” देंमाक्‍त।

इजीकीएल 39:12

इस्राएल आ खिं ङा मुरपुकीम मेको आन कली ७ महिना सम्‍मन थिम्‍ना थिम्‍न बाक्‍नीम। मिनु मोपा रागी कली ग्रांग्रा मदिशो सेल्‍नीम।

लेवी 18:25

मोपान मेको रागी ग्रांग्रा दिशो दुम्‍त। मिनु गो मेको आन पाप आ पर्बम सजाइ गेता। मिनु रागीम मेक ङा मुर आन कली उक्‍बे पा ताइक्‍ताक्‍व।

गन्‍ती 25:4

मिनु परमप्रभु यावेमी मोसा कली “एको मुर आन ठेयब मुर नेल्‍ल आन कली चाक्‍शा क्‍युक्‍शा साइश्‍शा, परमप्रभु यावे आ ङोंइती नाप्‍शो नांम वोइक्‍मी। मिनु परमप्रभु यावे इस्राएली आन पर्बम आ थाम्‍पा गाइश्‍शो नांइसीब” देंत। ब्‍यवस्‍था २१:२२-२३; २सामुएल २१:६-९

यूहन्‍ना 19:31

मेको पास्‍सा चाड मानेचा कली सा‍तीक नाक्‍त बाक्‍त। मोपतीके बेक्‍शो रां शीमी मबाक्‍मल, दे यहूदीपुकीमी पिलातस कली “मेको आन खोइल जिक्‍शा साइश्‍शा, शी रे शोल्‍शा लदमेक्‍ल” देंतेक्‍म। मारदे हना मेको पास्‍सा आ ङोंइती ङा ठेयब नाक्‍त बाक्‍त। ब्‍‍यवस्‍था २१:२३

रोमी 9:3

आं लोक्‍ब, आ खिं ङा मुर आन पा ङा गो सराप रशा, ख्रीस्‍त रे तिल्‍चा पुंइसीचा यो बिस्‍सीङ वा। प्रस्‍थान ३२:३२

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

ब्‍यवस्‍था 25:19

मोपतीके परमप्रभु यावे, इन परमप्रभुमी इन कली योव़शा गेशो इन के सेल्‍चा चिक्‍शो रागीम इन जोरी सत्रु नु लडाइ पशा, नाइक्‍साक्‍नी हना, अमालेकी आन नें रागी रे क्‍याम्‍चा माल्‍नीनी। मेको मप्रेंदीन” देंत। १सामुएल १५:२-३

ब्‍यवस्‍था 4:21

मिनु परमप्रभु यावे इन पतीके, आं पर्बम गाइक्‍ताक्‍व। मेकोमी आं कली “गे यर्दन खोला मशोक्‍थु, इस्राएली आन कली गेशो रिम्‍शो रागी लचा मताइ‍नेवे” दे कसम जाप्‍तु। ब्‍यवस्‍था ३:२६

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

यहोसु 7:12

मोपतीके इस्राएली आन जोरी सत्रु आन कली तशा, प्रोक्‍नीम। मारदे हना मेकोपुकी यो खतम सेल्‍चा माल्‍शो दुम्‍शो बाक्‍नीम। मेको आन खतम सेल्‍चा माल्‍शो ख्रुइश्‍शो थोव़क इन दाते रे मग्रुंइताक्‍नी हना, गो गे नु मबाक्‍नुङ।

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३