ब्‍यवस्‍था 21:19 - Sunuwar Bible

¹⁹ मेको आ आंम आफोम मेको कली ग्‍याइश्‍शा, सहर ङा खाल्‍पा आन ङोंइती सहर ङा लाप्‍चो आ नेक्‍था चाक्‍चा माल्‍नीम।

ब्‍यवस्‍था 21:19 ပူးပေါင်းရင်းမြစ်များ

येरमीया 38:7

मेकेर पिप आ खिंम गेय पाइब एबेद-मेलेक नें पाइश्‍शो मुर का बाक्‍त। मेको एथीयोपीया ङा बाक्‍त। मेकोमी येरमीया कली इनारम तोक्‍शो नेंतु। मेना पिप बेन्‍यामीन लाप्‍चोमी बाक्‍शो बाक्‍त। येरमीया ३९:१५-१८

जकरिया 13:3

मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६

ब्‍यवस्‍था 16:18

मिनु मुर आन कली ठीक निसाफ पचा कली गेपुकीमी इन थर थर ङा नु परमप्रभु यावे, इन परमप्रभुमी इन कली गेशो सहर सहरम निसाफ पाइब नु ठेयब मुर योव़शा वोइक्‍चा माल्‍नीनी। ब्‍यवस्‍था १:१६-१८; गन्‍ती ११:१६

ब्‍यवस्‍था 21:18

मिनु मुर का हेंथे गाक्‍ब मटीब तौ का बाक्‍त हना, मेको आ आम आफ आस देंशो काइ मटीब बाक्‍त हना, तुप्‍शा, शेंशा यो मेको आस देंशो मटिप्‍तु हना, ब्‍यवस्‍था २७:१६; प्रस्‍थान २०:१२

ब्‍यवस्‍था 21:2

इन खाल्‍पा नु निसाफ पाइबपुकी लशा, मेको साइश्‍शो मुर तेको एर ओंथ ङा सहर क्‍येङा नेक्‍था बाक्‍बा, पुक्‍चा माल्‍नीम।

ब्‍यवस्‍था 21:20

मिनु नोले मेको निक्‍शीमी सहर ङा खाल्‍पा आन कली “एको आंस तौ हेंथे गाक्‍ब नु मटीब बाक्‍ब। एकोमी आंस अरेशो मटीब। एको शुश जाइब नु रकसी शांबु तूब बाक्ब” देंसल।

ब्‍यवस्‍था 25:7

तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।