ब्‍यवस्‍था 20:4 - Sunuwar Bible

⁴ मारदे हना परमप्रभु यावे, इन परमप्रभु इन जोरी सत्रु नु लडाइ पा इन कली ग्रापाइक्‍चा कली गेपुकी नु लाइब’ देंचा माल्‍ब।

ब्‍यवस्‍था 20:4 ပူးပေါင်းရင်းမြစ်များ

१ इतिहास 14:15

गे रवा आन ङर ङरमी लडाइ पाइब आन गाक्‍शो नेंनी चोटी मेको आन कली लडाइ तोव़मी। मारदे हना परमप्रभु इन ङोंइती पलिस्‍ती आन लडाइ पाइब नु लडाइ पथ लाइब” देंमाक्‍त।

२ इतिहास 13:12

परमप्रभु गोपुकी नु बाक्‍शा, आंइ ङोंइती गाक्‍ब। मेको आ चढ़ेब आन तुराही गे नु लडाइ पचा कली ताप्‍चा चिक्‍शो बाक्‍नीम। गे इस्राएली मुरपुकी, गे परमप्रभु यावे, इन किकी पिपी आन परमप्रभु नु लडाइ मपने। गे मग्रानीनी” देंमाक्‍त। गन्‍ती १०:९

प्रस्‍थान 14:14

इन पचा ङा लडाइ परमप्रभु यावेमी पाइब। गे थुं नाइश्‍शा बाक्‍कीन” दे माइक्‍तीमी। ब्‍यवस्‍था १:३०; २इतिहास २०:१५,२९; यसैया ५१:९

रोमी 8:37

मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४

ब्‍यवस्‍था 1:30

इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।

ब्‍यवस्‍था 11:25

गे नु लडाइ पा सुइ मग्रानीम। परमप्रभु यावे, इन परमप्रभुमी आ देंशो खोदेंशो पा तेको रागी थेक्‍नीनी, मेकेर ङा मुर आन कली इन कली तशा हिंतीक थुं गेब। प्रस्‍थान २३:२७

ब्‍यवस्‍था 3:22

मेको आन क्‍येङा महिनीन। मारदे हना परमप्रभु यावे, इन परमप्रभुमी इन पा ङा लडाइ पाइब” दे माइक्‍ता। ब्‍यवस्‍था १:२९-३०

ब्‍यवस्‍था 31:6

बोल्‍यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्‍यवस्‍था १:२९-३०

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

यहोसु 10:11

मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

यहोसु 23:10

इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।

१ सामुएल 14:23

मेको नाक्‍ती परमप्रभु यावेमी इस्राएली आन कली ग्रापदा बाक्‍त। मिनु मेको लडाइ बेथ-आवेन आ आइक्‍ची सम्‍म दुम्‍माक्‍त। सावल आ लडाइ पाइब १० हजार खोइ दुम्‍मा बाक्‍त। मेको लडाइ एफ्राइम ङा पहाड नेल्‍लेम दुम्‍माक्‍त।