ब्‍यवस्‍था 20:3 - Sunuwar Bible

³ ‘इस्राएलीपुकी नेनीन, गेपुकी मुल लडाइ पथ लचा चिक्‍शो बाक्‍नीनी। मोपतीके आइक्‍च थुं मपने। महिनीन। मेको आन कली तशा, ग्रीचोक पा इन थुं ग्‍येत्‍थ लुक्‍च मदुमीने।

ब्‍यवस्‍था 20:3 ပူးပေါင်းရင်းမြစ်များ

२ इतिहास 32:8

मेको नु शुश मुर ला बाक्‍नीम। तन्‍न गोपुकी नु परमप्रभु यावे, इं परमप्रभु बाक्‍ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्‍कीयाहमी मुर आन थुं बारपदा बाक्‍त। येरमीया १७:५-६

अय्‍युब 23:16

परमप्रभुम आं थुं थपाइश्‍शो बाक्‍ब। नेल्‍ल क्‍येङा ठेयब सक्ति पाइश्‍शोमी आं कली हिंपाइ‍क्‍ब।

भजन संग्रह 3:6

गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 7:4

मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 10:31

मोपतीके महिनीन। गे भंगेरा क्‍येङा शुश हिक्‍सीशो बाक्‍नीनी। मत्ती ६:२६

मत्ती 8:26

मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४

मर्कूस 16:18

बुस्‍स ग्‍याइक्‍ताक्‍म हना यो, ओश्‍येर तूतेक्‍म हना यो, मेको आन कली मारेइ मदुम्‍ब। रोइ पाइब आन तारी गुइ चाक्‍शा प्रार्थना पामेनु, सानीम” दे माइक्‍मी बाक्‍त। लूका १०:१९; प्रेरित २८:३-६; याकूब ५:१४-१५

मर्कूस 16:6

मिनु मेको ठिटामी “मार छक लाक्‍नी? शीमी क्‍येप्‍शा कांटी थोक्‍शा क्‍याइश्‍शो नासरथ ङा येसु कली माल्‍थ जाक्‍नी ममाइ? आ बेक्‍शो रां वोइक्‍तीके कोव़ङीन, मबाक्‍ब। बेक्‍शो रे सेंसाक्‍व।

प्रेरित 27:24

मेकोमी ‘पावल, महिनो। गे सिजर पिप आ ङोंइती राप्‍चा माल्‍‍नेवे। ब्‍वाक्‍कुम ग्रुम्‍शा मबेक्‍नेवे। परमप्रभु यावेमी गे नु बाक्‍ब नेल्‍ल यो मबेक्‍थु, इन कली गेप्‍तु’ दे माइक्‍ती। प्रेरित २३:११

ब्‍यवस्‍था 1:21

कोव़ङीन, परमप्रभु यावे, इन परमप्रभुमी एको रागी इन कली गेशो बाक्‍त। मिनु परमप्रभु यावे, इन किकी पिपी आन परमप्रभुमी देंशो खोदेंशो पा मेकेर इर लशा, आंम के सेलीन। गेपुकी महिनीन। सुर्ता मपने’ देंती।

ब्‍यवस्‍था 20:1

मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।

ब्‍यवस्‍था 20:2

मिनु लडाइम लचा क्‍येङा ङोंइती चढ़ेबमी लडाइ पथ लाइब आन ङोंइती लशा

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

१ तिमोथी 6:12

थमा सुइश्‍शा ग्राङो। “गेना हना यो परमप्रभु यावे नु बाक्‍ब दुम्‍ती” दे मिम्‍तो। गे शुश मुर आन ङोंइती इ थमा सुइश्‍शो आ पर्बम रिम्‍शो लोव़ पाप्‍तीवी। मेना गे गेना हना यो ब्रोंइशा बाक्‍चा ताइब, दे ब्रेत्‍चा पुंइसीशो बाक्‍ते। १तिमोथी १:१८; १कोरिन्‍थी ९:२५-२६; २तिमोथी ४:७; १तिमोथी ४:१४; हिब्रू ३:१

हिब्रू 13:6

प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६

यहोसु 23:10

इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।

प्रकाश 2:10

मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८

१ सामुएल 17:32

मिनु दाऊदम मेको कली “गे ग्‍येत्‍थ लुक्‍च मदुमीन। गो इन गेय पाइब लशा मेको पलिस्‍ती नु लडाइ पाइक्‍नुङ” देंमाक्‍त।