ब्‍यवस्‍था 20:18 - Sunuwar Bible

¹⁸ मो मपाइतीनी हना, मेको आन देवी देवता आन कली ग्रांग्रा दिचा ङा पतीके शेंसीनीनी। मोपा परमप्रभु यावे, इन परमप्रभु कली मरिम्‍शो पा पाप पाइनीनी।

ब्‍यवस्‍था 20:18 ပူးပေါင်းရင်းမြစ်များ

२ राजा 21:3

मेकोमी आ आफ हिज्‍कीयाहमी खतम पोक्‍शो डांडा ङा थानपुकी लेंशा सेला बाक्‍त। मेकोम इस्राएल ङा पिप आहाब खोदेंशो पा बाल कली चढ़ेतीक नु मूर्ति पाइश्‍शो थाम सेला बाक्‍त। इस्राएल ङा पिप आहाब खोदेंशो पा मेकोमी नां तास्‍ला नु सोरुल आन कली खुम्‍की पा बाप्‍शा पूजा पवा बाक्‍त। १राजा १६:३३

प्रस्‍थान 23:32

गे मेकोपुकी नु मेको आन देवी देवता नु कबल मपमुने। प्रस्‍थान ३४:१२

प्रस्‍थान 23:33

मेकोपुकीम इन कली पाप पपाइक्‍नीम। मोपतीके मेको आन कली इन रागीमी बाक्‍चा मगेने। गे मेको आन देवी देवता आन कली गेय पाइतीनी हना, आन ग्‍याइलीम रेत्‍चा पुंइसीनीनी” दे परमप्रभु यावेमी इस्राएली आन कली अरेवा बाक्‍त।

प्रस्‍थान 34:12

गो इन कली गेनुङ देंशो रागी जाक्‍दीत्‍नीनु, मेको रागी ङा मुरपुकी नु काइ कबल मपावो। होस पा बाक्‍को। कबल पाप्‍तीवी हना, मेकोपुकीमी इन कली दूली पाइब सेल्‍नीम। प्रस्‍थान २३:३२-३३

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

१ कोरिन्‍थी 15:33

सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

ब्‍यवस्‍था 18:19

मिनु सुमी मेको आं नेंम, देंशो लोव़ मटीबा, मेको कली गो सजाइ गेनुङमी।

ब्‍यवस्‍था 18:9

परमप्रभु यावे, इन परमप्रभुमी इन कली गेशो रागी जाक्‍दीन्‍नी नोले मेकेर ङा रागी रागी ङा मुर आन पशो ग्रांग्रा दिशो गेय शेंसीशा काइ मपने।

ब्‍यवस्‍था 20:17

परमप्रभु यावे, इन परमप्रभुमी अरेशो खोदेंशो पा, हित्ती, एमोरी, कनानी, परिज्‍जी, हिव्‍वी नु यबुसी नेल्‍ल आन कली साइश्‍शा क्‍याम्‍चा माल्‍नीनी।

ब्‍यवस्‍था 20:19

मिनु गेपुकीमी सहर का कली लडाइ पा शुश नाक्‍त सम्‍म पुम्‍शा बाक्‍नीनु, मेको सहर ङा रवापुकी मतिम्‍चा। मारदे हना गेपुकीमी नोले मेको आन फल जने चाप्‍नीनी। मार, मेको एर ओंथ ङा रवापुकी मुर खोदेंशो बाक्‍नीमी ङा?

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

यहोसु 23:13

परमप्रभु यावे, इन परमप्रभुमी मेको रागी ङा मुर आन कली इन ङोंइती रे मखेरब, दे तुइक्‍तीन। तन्‍न मेकोपुकी इन कली ग्‍याइल नु ब्‍वारद दुम्‍नीम। मेकोपुकी इन ची कली युक्‍तीक नु इन मिक्‍च कली चू दुम्‍नीम। परमप्रभु यावे, इन परमप्रभुमी इन कली गेशो रिम्‍शो रागी रे गे मबेक्‍नी सम्‍म मोदेंशो दुम्‍ब। गन्‍ती ३३:५५; ब्‍यवस्‍था ७:१६; न्‍यायाधीस २:३

न्‍यायाधीस 2:3

मोपतीके ‘इन ङोंइती रे मेको आन कली मखेरनुङ। मेकोपुकी इन कली चू खोदेंशो दुम्‍नीम। मिनु मेको आन देवी देवता इन कली ग्‍याइल खोदेंशो दुम्‍नीम’ देंनुङ” देंमाक्‍त।