ब्‍यवस्‍था 20:16 - Sunuwar Bible

¹⁶ तन्‍न परमप्रभु यावे, इन परमप्रभुमी मेको जात जात ङा मुर आन सहर इन कली गेशो सहरम मार मार सेस बाक्‍मे, मेको साइक्‍चा माल्‍नीनी। गन्‍ती २१:१-३; यहोसु १०:४०

ब्‍यवस्‍था 20:16 ပူးပေါင်းရင်းမြစ်များ

गन्‍ती 21:35

मोपतीके मेको कली, मेको आ तौपुकी नु मेको आ मुर नेल्‍ल आन कली का यो मप्रोंइथु साइश्‍शा, मेको आन रागी आन के सेल्‍तेक्‍म।

गन्‍ती 31:17

मोपतीके वोंइश आल नेल्‍ल वोंइश मुर नु बाक्‍शो मीश मुर नेल्‍ल आन कली सतीन। न्‍यायाधीस २१:११-१२

गन्‍ती 33:52

मेको रागी ङा मुर नेल्‍ल आन कली मेको रागी रे खेरचा माल्‍नीनी। मिनु मेको आन मुशा सेल्‍शो नु कांसा के सेल्‍शो मूर्ति नेल्‍ल कली खतम पोक्‍कीन। मेको आन डांडा ङा थानपुकी प्रेश्‍शा खतम पोक्‍चा माल्‍नीनी।

ब्‍यवस्‍था 20:15

आंम नेक्‍था ङा रागी रागी कली ममाइ, तन्‍न ङोन ङा सहर कली मोदेंशो पचा माल्‍नीनी।

ब्‍यवस्‍था 20:17

परमप्रभु यावे, इन परमप्रभुमी अरेशो खोदेंशो पा, हित्ती, एमोरी, कनानी, परिज्‍जी, हिव्‍वी नु यबुसी नेल्‍ल आन कली साइश्‍शा क्‍याम्‍चा माल्‍नीनी।

ब्‍यवस्‍था 24:4

मेको आ ङोंइती प्रोंइशो वोंइशेम मेको मीश मुर अरु वोंइश नु बाक्‍शा ग्रांग्रा दुम्‍शो नोले लेंशा चाक्‍ने मचाप्‍ब। मारदे हना मोदेंशो पशो परमप्रभु यावे आ ङोंइती ग्रांग्रा बाक्‍ब। परमप्रभु यावे, इन परमप्रभुमी इन कली गेशो रागीमी पाप मचाक्‍कीन।

ब्‍यवस्‍था 31:5

मिनु परमप्रभु यावेमी मेको आन कली इन जिम्‍मा गेब। गो इन कली माइश्‍शो परमप्रभु यावे आ शेंशो खोदेंशो पा नेल्‍ल गेपुकीमी मेको आन कली पचा माल्‍नीनी। प्रस्‍थान २३:३२-३३

ब्‍यवस्‍था 4:21

मिनु परमप्रभु यावे इन पतीके, आं पर्बम गाइक्‍ताक्‍व। मेकोमी आं कली “गे यर्दन खोला मशोक्‍थु, इस्राएली आन कली गेशो रिम्‍शो रागी लचा मताइ‍नेवे” दे कसम जाप्‍तु। ब्‍यवस्‍था ३:२६

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

यहोसु 10:20

मिनु यहोसु नु इस्राएलीपुकीमी मेको आन कली खतम सेल्‍‍तेक्‍म। का निक्‍शी चहिं प्रोक्‍शा, गारो पाइश्‍शो सहर आगा ओव़तेक्‍म।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:40

मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८

यहोसु 11:14

मिनु इस्राएलीपुकीमी मेको सहर ङा मार मार थोव़क नु बी ब्‍यफ, क्‍यारश भेडा आंम कली वोंइसाक्‍म। तन्‍न मुर नेल्‍ल आन कली साइक्‍तेक्‍म। नेल्‍ल आन कली खतम सेल्‍शा, का कली यो मप्रोनेम। ब्‍यवस्‍था २०:१०-१५

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

यहोसु 8:25

मेको नाक्‍ती साइक्‍चा पुंइसीशो मुर वोंइश मुर नु मीश मुर नेल्‍ल पा १२ हजार बाक्‍तेक्‍म। ऐ ङा मुर नेल्‍ल मोशोन बाक्‍तेक्‍म।

यहोसु 8:8

परमप्रभु यावेमी आ देंशो खोदेंशो पा, सहर इन गुइमी गेवा नोले, मेको कली मी सुइक्‍तीन” दे मेको आन कली देंत।

यहोसु 9:24

मिनु मेकोपुकीमी यहोसु कली “परमप्रभु यावे, इ परमप्रभुमी आ गेय पाइब मोसा कली ‘रागी नेल्‍ल इन के दुम्‍ब। एको रागी ङा मुर नेल्‍ल सतीन’ दे अरेशो तुइश्‍शो नकी। मोपतीके गो इन कली तशा शुश हिंतीके, आंइ कली प्रोंइचा कली जोल पाइतक।

यहोसु 9:27

मिनु मेको नाक्‍त रे यहोसुमी मेको आन कली इस्राएली नेल्‍ल नु परमप्रभु यावे आ चढ़ेतीक कली शी चेप्‍ब नु ब्‍वाक्‍कु क्‍याक्‍ब सेल्‍तु। मेकोपुकीम मुल सम्‍म मोदेंशो पाइनीमी। ब्‍यवस्‍था २९:१०; १इतिहास २१:२९; २इतिहास १:३

यहोसु 9:7

मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।