ब्‍यवस्‍था 20:11 - Sunuwar Bible

¹¹ मिनु मेकोपुकीमी ‘दुम्‍ब’ दे गुइ पोक्‍तेक्‍म हना, मेकेर ङा मुर नेल्‍ले आन कली वाइलीम वाइल खोदेंशो पा गेय पाइब सेल्‍चा माल्‍नीनी।

ब्‍यवस्‍था 20:11 ပူးပေါင်းရင်းမြစ်များ

१ राजा 5:1

टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११

२ राजा 6:22

मिनु एलीशाम “मेको आन कली मसतीन। मार, गे आंमा इन लिब्रा नु तरवारम ग्‍याइश्‍शो आन कली साइक्‍ने चाप्‍नीनी ङा? गे एको मुर आन कली जचा तूचा गेने। मिनु एकोपुकी जशा तूशा आन होव़प बाक्‍तीक लमल” देंमाक्‍त। लेवी १९:१८; २इतिहास २८:९-१५; हितोपदेस २५:२१-२२

भजन संग्रह 120:7

गो थुं नाइश्‍शा बाक्‍चा दाक्‍ब मुर नङ। तन्‍न गो लोव़ पङानु, मेकोपुकी लडाइ पचा कली ठीक दुम्‍नीम। रोमी १२:१८

लूका 19:14

मेको मुर गाक्‍म नोले मेको रागी ङा मुरपुकीमी ‘मेको मुर आंइ कली सासन पाइब मदुम्‍ल’ दे लोव़ कुरब मुर मेको पिप आ बाक्‍तीक सोइक्‍तमे बाक्‍त। मारदे हना मेको कली मदाक्‍बाक्‍मा बाक्‍त। यूहन्‍ना १:११

ब्‍यवस्‍था 20:10

मिनु गेपुकी सहर का कली लडाइ पथ, आ नेक्‍था जाक्‍दीन्‍नी नोले मेको आन कली ‘लडाइ मपय, गुइ पोक्‍कीन’ देंचा माल्‍नीनी।

ब्‍यवस्‍था 20:12

तन्‍न मेको सहर ङा मुरपुकीमी इन देंशो मबित्‍थु लडाइ पचा दाक्‍ताक्‍म हना, मेको सहर कली पुम्‍दीन।

यहोसु 16:10

तन्‍न मेकोपुकीमी गेजेर सहरमी बाक्‍ब कनानी आन कली मखेरेम। मोपतीके कनानीपुकी मुल सम्‍म एफ्राइम आ मुर आन दातेमी बाक्‍नीम। मेकोपुकी वाइलीम वाइल दुम्‍शा बाक्‍शो बाक्‍नीम। न्‍यायाधीस १:२९; १राजा ९:१६

यहोसु 9:27

मिनु मेको नाक्‍त रे यहोसुमी मेको आन कली इस्राएली नेल्‍ल नु परमप्रभु यावे आ चढ़ेतीक कली शी चेप्‍ब नु ब्‍वाक्‍कु क्‍याक्‍ब सेल्‍तु। मेकोपुकीम मुल सम्‍म मोदेंशो पाइनीमी। ब्‍यवस्‍था २९:१०; १इतिहास २१:२९; २इतिहास १:३

यहोसु 9:8

मिनु मेकोपुकीमी यहोसु कली “गो इन गेय पाइब नकी” दे लोव़ लेत्‍ताक्‍म। मिनु यहोसुमी मेको आन कली “गे सु ननी? ते रे जाक्‍शो ननी” दे हिल्‍लो पाप्‍तु।

यहोसु 9:9

मिनु मेकोपुकीमी “गो इन गेय पाइबपुकी शुश ङोन रागी रे जाक्‍शो नकी। गोपुकी परमप्रभु यावे, इन परमप्रभु आ पर्बम शुश नेंतक। मिनु इजीप्‍त रागीमी मार पवा मेको नेल्‍ल नेंतक।

न्‍यायाधीस 1:28

नोले इस्राएलीपुकी बोल्‍यो दुम्‍शा, मेको आन कली वाइलीम वाइल सेल्‍ना सेल्‍न बाक्‍मा बाक्‍त। तन्‍न मेको आन कली गेनायो मखेरमे बाक्‍त।