ब्‍यवस्‍था 2:8 - Sunuwar Bible

⁸ मिनु गो, सेइरम बाक्‍ब एसाव आ चच युइ, आंइ लोक्‍ब आन बाक्‍तीक दिंम ङा अराबाह ङा लां रे पा एलाथ नु एस्‍योन-गेबेर रे मगाक्‍थु, गो मोआब ङा गोरशो रागी गे लाइतक।

ब्‍यवस्‍था 2:8 ပူးပေါင်းရင်းမြစ်များ

उत्पत्ती 25:23

मिनु परमप्रभु यावेमी मेको कली “इ कोव़जम जात निक्‍शी ङा मुर बाक्‍नीसी। मेको जात निक्‍शी फ्राचा पुंइसीनीस। का अर्को क्‍येङा बोल्‍यो बाक्‍ब। ङोंइती जरमेशो चहिं कान्‍छा आ गेय पाइब दुम्‍ब” दे शेंदा बाक्‍त। उत्‍पत्ती २७:२९; मलाकी १:२; रोमी ९:१०-१२

१ राजा 9:26

मिनु पिप सोलोमनम लल समुन्‍द्र आ शुंइच एदोम रागी एलोथ आ नेक्‍था एस्‍योन-गेबेर सहरम जहाजपुकी यो सेल्‍पदा बाक्‍त। गन्‍ती ३३:३५; २इतिहास ८:१७-१८

२ राजा 14:22

मेकोमी अमस्‍याह बेक्‍ने थुमा नोले एलाथ सहर लेंशा सेल्‍शा लेश्‍शा ताक्‍गा बाक्‍त। २राजा १६:६

२ राजा 16:6

मेना अराम ङा पिपमी रेसीन एलाथ ङा यहूदी आन कली खेरशा, एलाथ सहर एदोमी आन कली गेवा बाक्‍त। मिनु एदोम ङा मुर मुल सम्‍म मेकेर बाक्‍शो बाक्‍नीम। २राजा १४:२२

गन्‍ती 21:4

मिनु मेकोपुकी एदोम रागी कली हेरशा लचा, दे होर डांडा रे लल समुन्‍द्र गे लाम्‍तेक्‍म। तन्‍न मुरपुकी शुश गाक्‍चा माल्‍तीके दाम्‍तेक्‍म। गन्‍ती ११:४-६

गन्‍ती 33:35

मिनु अब्रोनाह रे गाक्‍शा, एस्‍योन-गेबेरमी बाक्‍तीक सेल्‍शा बाक्‍तेक्‍म। १राजा ९:२६; १राजा २२:४९

ब्‍यवस्‍था 1:1

मोसामी एको ब्रेक्‍शो लोव़ इस्राएली नेल्‍ल आन कली शेंशो बाक्‍ब। मिनु मेना मेकोपुकी सुफ माइश्‍शो दिंम आ ओंथ हांबुम बाक्‍तेक्‍म। मेको बाक्‍तीके अराबाहम, पारान, तोफेल, लाबान, हसेरोथ नु दी-साहाब आन दातेमी यर्दन खोला आइक्‍ची हांबु ङा रागीम बाक्‍ब।

न्‍यायाधीस 11:18

मेकेर रे एदोम नु मोआब रागी हिरशा, गोरशो रागी रे मोआब आ नां दाप्‍तीक गे लमा बाक्‍त। मिनु अरनोन खोला आ नेक्‍था ताम्‍बु कीङमे बाक्‍त। मोआबी आन रागी मओव़म। मारदे हना अरनोन मोआब आ सांद बाक्‍माक्‍त। गन्‍ती २१:१३