ब्‍यवस्‍था 2:37 - Sunuwar Bible

³⁷ यब्‍बोक खोल्‍सा आ नेक्‍था बाक्‍ब अम्‍मोनी आन रागी, पहाड ङा सहरपुकी नु परमप्रभु यावे, इं परमप्रभुमी इं कली मलचा देंशो रागी ला मलक।

ब्‍यवस्‍था 2:37 ပူးပေါင်းရင်းမြစ်များ

उत्पत्ती 32:22

मिनु मेको नाक्‍दो बोक्‍शा, आ मीश निक्‍शी, आ गेय पाइब मीश निक्‍शी नु आ ११ जना तौ आन कली लाइश्‍शा, यब्‍बोक खोला शोक्‍पाइक्‍मी बाक्‍त।

गन्‍ती 21:24

मिनु इस्राएलीपुकीम मेको कली तरवारम क्‍योरशा साइक्‍तेक्‍म। मिनु अरनोन खोला रे यब्‍बोक खोला सम्‍म मेको आ रागी आन के सेल्‍तेक्‍म। मिनु अम्‍मोनी आन सांद सम्‍म मेकोपुकीम आन रागी सेल्‍तेक्‍म। मारदे हना, अम्‍मोनी आन सांद बोल्‍यो बाक्‍त।

ब्‍यवस्‍था 2:19

मिनु गे अम्‍मोनी आन रागी जाक्‍दीत्‍नीनी। मेको नु लडाइ मपने। काइ मजिने। मारदे हना अम्‍मोनी आन रागी इन कली मगेनुङ। मेको लोत नु आ चच युइ आन कली गेतामी। उत्‍पत्ती १९:३८

ब्‍यवस्‍था 2:5

मेकोपुकी नु काइ मजिने। मारदे हना गो मेको आन रागी रे इन कली खोइल थेक्‍तीक खो‍मो रू यो मगेनुङ। गो सेइर पहाड एसाव कली गेशो बाक्‍नुङ। उत्‍पत्ती ३६:८

ब्‍यवस्‍था 2:9

मिनु परमप्रभु यावेमी आं कली ‘मोआब नु लडाइ मपने। मेकोपुकी नु काइ मजिने। मेको रागी इ कली मगेनन। मारदे हना गो आर सहर लोत नु आ चच युइ आन कली गेता। उत्‍पत्ती १९:३६-३७

ब्‍यवस्‍था 3:16

मिनु गो रूबेन आ थर नु गाद आ थर ङा मुर आन कली मार गेतामी देंशा हना, गिलाद रे अरनोन खोल्‍सा आ दाते सम्‍म नु आ नेक्‍था ङा दिंम यब्‍बोक खोल्‍सा सम्‍म गेतामी। मेको अम्‍मोनी आन सांद बाक्‍ब।

यहोसु 12:2

एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४

न्‍यायाधीस 11:15

“येफ्‍ता आ लोव़ मार बाक्‍त देंशा हना, इस्राएलीपुकीमी गेनायो मोआबी आन रागी नु अम्‍मोनी आन रागी मलदेम। ब्‍यवस्‍था २:९,१९

न्‍यायाधीस 11:22

मेकोपुकीमी अरनोन खोला रे पा यब्‍बोक खोला सम्‍म नु गोरशो रागी रे पा यर्दन खोला सम्‍म एमोरी आन रागी आंम के सेल्‍मे बाक्‍त।