ब्‍यवस्‍था 2:36 - Sunuwar Bible

³⁶ अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५

ब्‍यवस्‍था 2:36 ပူးပေါင်းရင်းမြစ်များ

२ सामुएल 24:5

मिनु मेकोपुकी यर्दन खोला शोक्‍शा, आरोएर सहर नु दिंम आ दाते ङा सहर रे गाद नु याजेर गे लमा बाक्‍त। ब्‍यवस्‍था २:३६

२ राजा 10:33

मिनु यर्दन खोला आ पूर्ब गे गिलाद ङा रागी नेल्‍ल, गाद, रूबेन नु मनस्‍से आन रागी, अरनोन खोला आ नेक्‍था आरोएर, गिलाद ङा लां रे पा बाशान सम्‍म इस्राएली आन कली फ्रूमी बाक्‍त।

भजन संग्रह 44:3

मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

यसैया 17:2

आरोएर ङा सहरपुकी प्रोंइसीशो दुम्‍शा, क्‍यारश भेडा योव़तीके दुम्‍ब। मेको काइ महिक्सीशो नाइक्‍तीक दुम्‍ब।

येरमीया 48:19

आरोएर सहरम बाक्‍बपुकी लांमी राप्‍शा कोव़ङीन। प्रोक्‍शो वोंइश मुर नु मीश मुर आन कली ‘मार, दुम्‍मे’ दे हिल्‍लो पने।

गन्‍ती 32:34

मिनु गाद आ थर ङा मुरपुकीमी दीबोन, अतारोथ, आरोएर,

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 3:12

मिनु मेना तेको तेको रागी आंइ के सेल्‍तक देंशा हना, अरनोन खोल्‍सा आ नेक्‍था दिंमम बाक्‍शो आरोएर रे गिलाद पहाड आधा नु मेकेर ङा सहरपुकी सम्‍म गो रूबेन आ थर नु गाद आ थर ङा मुर आन कली गेतामी।

ब्‍यवस्‍था 4:48

मेको रागी अरनोन खोल्‍सा आ नेक्‍था बाक्‍ब आरोएर सहर रे सिरीयोन माइश्‍शो, हेरमोन पहाड, ब्‍यवस्‍था ३:८-९

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 12:2

एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४

यहोसु 13:16

मेको आन रागी अरनोन खोला आ नेक्‍था बाक्‍शो आरोएर सहर नु मेको दिंम आ दातेम बाक्‍शो सहर नु मेदेबा दिंम आ नेक्‍था ङा रागी नेल्‍ल,

यहोसु 13:9

तेको रागी गेशो बाक्‍त देंशा हना, अरनोन खोला आ नेक्‍था बाक्‍शो आरोएर सहर नु दिंम आ दातेमी बाक्‍शो मेदेबा सहर ङा दिंम दीबोन सहर सम्‍म ङा रागी नेल्‍ल गेशो बाक्‍त।

यहोसु 21:44

मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०

न्‍यायाधीस 11:22

मेकोपुकीमी अरनोन खोला रे पा यब्‍बोक खोला सम्‍म नु गोरशो रागी रे पा यर्दन खोला सम्‍म एमोरी आन रागी आंम के सेल्‍मे बाक्‍त।

न्‍यायाधीस 11:26

इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?