ब्‍यवस्‍था 2:23 - Sunuwar Bible

²³ मिनु मेको मोदेंशो पा गाजा ङा काफ्‍तोर सहर रे जाक्‍शो काफ्‍तोरीपुकीमी आव्‍वीम सहर ङा मुर आन कली साइक्‍तेक्‍म। मिनु मेको आन बाक्‍तीकेमी बाक्‍तेक्‍म’ देंत। उत्‍पत्ती १०:१४; यहोसु १३:३

ब्‍यवस्‍था 2:23 ပူးပေါင်းရင်းမြစ်များ

उत्पत्ती 10:14

पथ्रुसीम, कस्‍लुहीम नु काफ्‍तोरीम आन आफ दुम्‍माक्‍त। मेकोपुकी रे पलिस्‍ती ग्रूमा बाक्‍त।

उत्पत्ती 10:19

कनान ङा मुर आन रागी सीदोन रे गेरार गे नु गाजा सम्‍म दुम्‍माक्‍त। सोदोम नु गोमोररा गे अदमाह, सेबोयीम नु लाशा सहर सम्‍म दुम्‍माक्‍त।

१ राजा 4:24

मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।

२ राजा 18:8

मेकोमी पलिस्‍ती आन रागी गाजा रे खाल पाइब आन लाइश्‍शो खिं नु गारो हिरशो सहर नेल्‍ल ग्रामाक्‍त।

१ इतिहास 1:12

पथ्रुसीम, कस्‍लुहीम, काफ्‍तोरीम आन आफ बाक्‍माक्‍त। मेको रे पलिस्‍ती दुम्‍शो बाक्‍मा बाक्‍त।

येरमीया 25:20

मेकेर बाक्‍ब अर्को रागी ङा मुर नेल्‍ले, ऊज रागी ङा पिप नेल्‍ले, पलिस्‍ती आन पिप नेल्‍ले, अश्‍कलोन, गाजा, एक्रोन नु अश्‍दोद सहरम लीशा बाक्‍शो मुर नेल्‍ल आन कली,

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

सेफन्‍याह 2:4

गाजा मुर मबाक्‍थु, श्‍येत्‍थ दुम्‍ब। अश्‍कलोन नेल्‍ल ब्रेश्‍शा खतम दुम्‍शा प्रोंइसीब। नाक्‍ती उइक्‍थ दुम्‍मेनु अश्‍‍दोद ङा मुर खेरचा पुंइसीनीम। एक्रोन चहिं तुल्‍चा पुंइसीब।

जकरिया 9:5

मिनु अश्‍कलोन मेको तशा हिंब। गाजा हिं‍शा ख्रिंख्रि पाइब, एक्रोन शुश सुर्ता पा आ आस पशो जाम्‍शा लाइब। गाजा ङा पिप जाम्‍शा लाइ‍ब। अश्‍कलोनमी मुर मबाक्‍तीक दुम्‍ब। येरमीया ४७:-

प्रेरित 17:26

ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८

यहोसु 10:41

मिनु यहोसुमी कादेश-बारनेआ, गाजा नु गोशेन रे लाइश्‍शा गिबोन सम्‍म नेल्‍ल ग्रात। यहोसु ११:१६

यहोसु 11:22

इस्राएली आन रागीमी अनाकीम ङा मुर का सम्‍म यो मलीम। गाजा, गाथ नु अश्‍दोदमी का निक्‍शी ला लीतेक्‍म। १सामुएल १७:४; २सामुएल २१:२२

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

यहोसु 15:47

अश्‍दोद नु मेको आ नेक्‍था ङा खिंपुकी नु गाउं नेल्‍ल, गाजा नु मेको आ नेक्‍था ङा खिंपुकी नु गाउं नेल्‍ल नु इजीप्‍त ङा खोला नु ठेयब समुन्‍द्र आ सुर सम्‍म बाक्‍नीम। १सामुएल ५:१; न्‍यायाधीस १:१८

न्‍यायाधीस 1:18

यहूदा आ थर ङा मुरपुकीमी गाजा, अश्‍कलोन, एक्रोन सहर नु मेको आ नेक्‍था बाक्‍शो रू नेल्‍ल आंम के सेल्‍मे बाक्‍त।