ब्‍यवस्‍था 2:22 - Sunuwar Bible

²² परमप्रभुम सेइरम बाक्‍ब एसाव आ खिं खिं ङा मुर आन पर्बम यो मोदेंशोन पाप्‍तु। मेको आन ङोंइती होरी आन कली खतम सेल्‍तु। मिनु होरी नेल्‍ल आन कली खेरशा, मुल सम्‍म एसाव आ खिं खिं ङा मुर मेकेर बाक्‍नीम।

ब्‍यवस्‍था 2:22 ပူးပေါင်းရင်းမြစ်များ

उत्पत्ती 14:6

सेइर पहाडम बाक्‍ब होरी आ मुर नेल्‍ल आन कली एल-पारान मुर बाक्‍तीक आ नेक्‍था सम्‍म फ्रूमे बाक्‍त।

उत्पत्ती 36:8

मिनु मेको एदोम माइश्‍शो एसाव सेइर ङा पहाड लशा बाक्‍माक्‍त।

ब्‍यवस्‍था 2:12

ङोंइती होरीपुकी यो सेइरम बाक्‍शो बाक्‍तेक्‍म। मिनु नोले एसाव आ मुरपुकीम मेको आन कली साइश्‍शा, मेको आन रागीम बाक्‍तेक्‍म। परमप्रभु यावेमी इस्राएली आन कली गेशो रागी मेकोपुकीम आंम के सेल्‍शो खोदेंशो पा, मोआब ङा मुरपुकीमी मेको रागी आंम के सेल्‍शो बाक्‍तेक्‍म’ देंत। उत्‍पत्ती १४:६

ब्‍यवस्‍था 2:21

मेको शुश दुम्‍शो नु लाइश्‍शो अनाकीम ङा मुर खोदेंशो बाक्‍तेक्‍म। मिनु परमप्रभु यावेमी मेको आन कली अम्‍मोनी आन ङोंइती खतम सेल्‍तु। मिनु मेको नेल्‍ल आन कली खेरशा, अम्‍मोनी मेको आन बाक्‍तीकेम बाक्‍तेक्‍म।

ब्‍यवस्‍था 2:5

मेकोपुकी नु काइ मजिने। मारदे हना गो मेको आन रागी रे इन कली खोइल थेक्‍तीक खो‍मो रू यो मगेनुङ। गो सेइर पहाड एसाव कली गेशो बाक्‍नुङ। उत्‍पत्ती ३६:८