ब्‍यवस्‍था 2:21 - Sunuwar Bible

²¹ मेको शुश दुम्‍शो नु लाइश्‍शो अनाकीम ङा मुर खोदेंशो बाक्‍तेक्‍म। मिनु परमप्रभु यावेमी मेको आन कली अम्‍मोनी आन ङोंइती खतम सेल्‍तु। मिनु मेको नेल्‍ल आन कली खेरशा, अम्‍मोनी मेको आन बाक्‍तीकेम बाक्‍तेक्‍म।

ब्‍यवस्‍था 2:21 ပူးပေါင်းရင်းမြစ်များ

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३

ब्‍यवस्‍था 2:20

मेको रागी यो लाइश्‍शो कोल्‍शो मुर आन रागी बाक्‍त। ङोंइती मेकेर रेफाइम माइश्‍शो मुर बाक्‍तेक्‍म। तन्‍न अम्‍मोनीपुकीमी मेको आन कली जाम्‍जुम्‍मीम देंनीम।

ब्‍यवस्‍था 2:22

परमप्रभुम सेइरम बाक्‍ब एसाव आ खिं खिं ङा मुर आन पर्बम यो मोदेंशोन पाप्‍तु। मेको आन ङोंइती होरी आन कली खतम सेल्‍तु। मिनु होरी नेल्‍ल आन कली खेरशा, मुल सम्‍म एसाव आ खिं खिं ङा मुर मेकेर बाक्‍नीम।

ब्‍यवस्‍था 3:11

मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।

न्‍यायाधीस 11:24

इन देवता केमोशमी इन कली गेशो ताइनीनी ममाइ ङा? परमप्रभु यावे, आंइ परमप्रभुमी मार गेबा, गो यो मेको ताइनीकी। गन्‍ती २१:२९