ब्‍यवस्‍था 2:11 - Sunuwar Bible

¹¹ मिनु अनाकीम ङा मुर आन कली खोदेंशो पा रेफाइम माइश्‍शो मुरपुकी शुश कोल्‍शो मुर देंनीम। मिनु मोआबीम मेको आन कली एमीम देंनीम।

ब्‍यवस्‍था 2:11 ပူးပေါင်းရင်းမြစ်များ

उत्पत्ती 14:5

मिनु १४ बर्समी पिप केदोर-लाओमेर नु मेको आ वारच पिपपुकी अश्‍‍तारोथ-कारनाइमम बाक्‍ब रेफाइमपुकी, हामम बाक्‍ब जूजीमपुकी, शावेह-किरयथ-थाइम बाक्‍ब एमीमपुकी, उत्‍पत्ती ३६:२०-३०

उत्पत्ती 6:4

मेना रागीमी नेफीलीम माइश्‍शो थम लाइश्‍शो मुरपुकी बाक्‍शो बाक्‍मा बाक्‍त। मिनु नोले परमप्रभु आ तौपुकीमी रागी ङा तमी आन कली चाक्‍शा, आल थीमे बाक्‍त। मेको बोल्‍यो नु ठेयब लडाइ पाइब मुर दुम्‍मा बाक्‍त। इजीकीएल ३२:२७

२ सामुएल 21:16

इश्‍बी-बेनोब रेफाइम आ बोल्‍यो लाइश्‍शो मुर का बाक्‍माक्‍त। मेको आ तूतीके सहे सां शेकेल कांसा के बाक्‍माक्‍त। मिनु नक या का यो पिम्‍सीशो बाक्‍माक्‍त। मेकोमी “दाऊद कली साइक्‍नुङ” देंमाक्‍त। शेकेल का ११.५ ग्राम बाक्‍ब। ३०० शेकेल ३ किलो आधा बाक्‍ब।

गन्‍ती 13:22

मिनु मेकोपुकी नेगेब गे ग्‍येत्‍थ लशा, हेब्रोन सहर जाक्‍दीम्‍मा बाक्‍त। मेकेर अनाक आ मुर अहीमान, शेशै नु तल्‍मै बाक्‍बाक्‍तेक्‍म। हेब्रोन चहिं इजीप्‍त ङा सोआन सहर क्‍येङा ७ बर्स ङोंइती सेल्‍शो बाक्‍त।

गन्‍ती 13:28

तन्‍न मेकेर बाक्‍ब मुरपुकी बोल्‍यो बाक्‍नीम। मिनु मेको आन सहरपुकी गारोम हिरशो नु थम ठेयब बाक्नीम। मिनु गोपुकीमी मेकेर अनाक आ मुर आन कली यो ताइतक।

गन्‍ती 13:33

गोपुकीमी मेकेर नेफीलीमपुकी यो ताइतक। अनाक आ मुर नेफीलीम रे दुम्‍शो बाक्‍नीम। मिनु गो मेको आन कली तशा, गो आंमा माले खोदेंशो तांइसाक्‍क। मिनु गो मेको आन ङोंइती यो मोदेंशोन तांइसीनय” देंतेक्‍म। ब्‍यवस्‍था १:२८; ब्‍यवस्‍था ९:२

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३

ब्‍यवस्‍था 2:20

मेको रागी यो लाइश्‍शो कोल्‍शो मुर आन रागी बाक्‍त। ङोंइती मेकेर रेफाइम माइश्‍शो मुर बाक्‍तेक्‍म। तन्‍न अम्‍मोनीपुकीमी मेको आन कली जाम्‍जुम्‍मीम देंनीम।

ब्‍यवस्‍था 3:11

मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।

ब्‍यवस्‍था 9:2

मेकेर अनाक आ चच युइ बाक्‍नीमी। मेकोपुकी ठेयब नु लाइश्‍शो मुर बाक्‍नीम, दे तुइक्‍नीनी। गे ङोंइती ‘अनाकीम ङा मुर आन ङोंइती सु राप्‍ने चाप्‍बा ङा’ दे लोव़ पशो नेंतीनी।